Հինգ երիտասարդներ երկու շաբաթից ավել խմբակային բռնաբարել են 13-ամյա անչափահաս աղջկան: Մեղադրյալ, Հնդկաստանի Հարիանա քաղաքի բնակիչ, 19-ամյա Մահեշը, ինչպես նաև Մինա Դեվին, ում տանը երկու շաբաթից ավելի բռնաբարել են աղջկան, ձերբակալվել են: Յոթերորդ դասարանի աշակերտուհու բողոքից հետո ոստիկանությունը քրեական գործ է հարուցել վեց մեղադրյալների, այդ թվում` նաև կնոջ դեմ` խմբակային բռնաբարության, ոտնձգության և հանցավոր համաձայնության գալու համար: Զոհն իր բողոքում նշել է, որ երիտասարդները հանցավոր համաձայնության էին եկել Մինայի հետ, ով իր համադասարանցու մայրն է, գրում է pastinfo.am-ը: Նա նաև ասել է, որ երիտասարդները տեսագրել էին այդ գործողությունները, որոնցով օրեր շարունակ ստիպել են նրան սեռական հարաբերություն ունենալ իրենց հետ: Նրանք նաև սպառնացել են աղջկան, որ չդիմի ոստիկանություն: Անչափահաս զոհը, այնուամենայնիվ, քաջություն է հավաքել և պատմել իր ծնողներին կատարվածի մասին, ովքեր էլ դիմել են ոստիկանություն: