Եթե վերջերս կասկածներ ունես սիրած էակիդ անկեղծության վերաբերյալ, կարող ես ստանալ քեզ հուզող հարցերի պատասխանը. պարզապես փոքր-ինչ ավելի ուշադիր եղիր նրա վարքագծի հանդեպ:

1. Խոսելու ընթացքում նրա կոկորդը չորանում է։

Քեզնից ինչ-որ բան թացքնելը ստիպում է նրան նյարդայնանալ ու գրգռվել: «Ըստ մի շարք ուսումնասիրությունների` երբ տղամարդը փորձում է որևէ գաղտնիք թաքցնել, նրա կերակրափողի մկանները սկսում են կրճատվել, ինչի արդյունքում նրա կոկորդը չորանում է,- ասում է ոչ վերբալ հաղորդակցության փորձագետ, «Դու ասում ես ավելին, քան կարծում ես» գրքի հեղինակ Ջանին Դրայվերը: - Եթե նա զրույցի ընթացքում հաճախ է թուքը կուլ տալիս, ուրեմն փորձում է վերացնել չորության զգացումը»: Ուշադիր եղիր, թե մասնավորապես որ թեմաների քննարկման ժամանակ է դա պատահում, և կհասկանաս, թե ինչի հետ է կապված նրա գաղտնիքը:

2. Նա սովորականից ավելի սեքսի կարիք ունի։

Ի՜նչ խոսք, գուցե պատճառը նրա գերակտիվությունն է կամ քո շլացուցիչ տեսքը, սակայն սեռական ցանկության անսպասելի բռնկումը նույնպես կարող է վկայել տղամարդու անազնվության մասին: «Ինչ-որ բան թաքցնող տղամարդը փորձում է խուսափել զրուցակցի հետ հուզական կապից, քանի որ այդ դեպքում կարող է խոսակցության ընթացքում թուլանալ և ասել ավելին, քան նախատեսում է,- նշում է գիտությունների դոկտոր, հոգեբան Քրիստա Բլումը Կալիֆոռնիայից։ - Փոխարենը՝ քեզ սիրելով, նա փորձում է լրացնել այդ հուզական մտերմության բացը ֆիզիկական կապով»: Այնուամենայնիվ, քանի որ տղամարդու սեռական ակտիվության բարձրացման համար կարող են լինել մի շարք օբյեկտիվ գործոններ, վերջնական հետևություն կարելի է անել միայն ամեն ինչ կշռադատելուց հետո:

3. Նա չափից դուրս շատ մանրամասներ է պատմում։

Չարժե ընկնել թյուրիմացության մեջ: Առաջին հայացքից կարող է թվալ, որ եթե տղամարդը մանրամասն պատմում է, թե որտեղ է եղել և ինչով է զբաղել, ապա նա լիովին անկեղծ է: Մինչդեռ շատ հնարավոր է, որ մեծ քանակությամբ մանրամասներ հաղորդելով` նա փորձում է թաքցնել ճշմարտությունը: «Եթե տղամարդը ծանրաբեռնում է իր խոսքը ոչ կարևոր մանրամասներով, արժե անհանգստանալ,- ասում է Ջանին Դրայվերը,- առավել ևս, եթե խոսելու ընթացքում նա հաճախ է դադար տալիս. հավանաբար փորձում է նոր փաստեր հնարել». չէ՞ որ անկեղծորեն որևէ բան պատմելիս մենք չենք կենտրոնանում անհեթեթ և ոչ էական մանրամասների վրա, չենք փորձում հիշել օրվա ընթացքում կուտակած ոչ կարևոր ինֆորմացիան, այլ կենտրոնանում ենք բուն նյութի վրա:

4. Խոսելու ընթացքում նա ձեռքերը պարբերաբար գրպաններն է դնում։

«Եթե կասկածում ես նրա ազնվությանը, ուշադրություն դարձրու ձեռքերի շարժումներին,- խորհուրդ է տալիս Ջանին Դրայվերը.- եթե մարդը խոսելու ընթացքում անսպասելիորեն թաքցնում է ձեռքերը գրպանում կամ սկսում է դիպչել մարմնի տարբեր մասերին, ինչպես օրինակ` ծոծրակին, թերևս, նա փորձում է հարմար դիրք գտնել, քանի որ ենթագիտակցորեն հասկանում է, որ անազնիվ լինելով` սխալ բան է անում»: Հաշվի առ միայն այն հանգամանքը, որ շատ տղաների համար սովորական է խոսել ձեռքերը գրպանում: Եթե քո տղամարդը ևս նման սովորություն ունի, ուրեմն մի՛ շտապիր նրան դասել խաբեբաների շարքը:

Cosmo.am