Հաճախ է աղջիկներին ու կանանց անհանգստացնում այն հարցը, թե առաջին հղիությունը տարիքային ո՞ր սահմանում կարող է բարդություններ ու դժվարություններ առաջացնել:

Առաջին հղիության ու վերջինիս հետեւանքով առաջացած բարդությունների մասին LN-ը զրուցեց գինեկոլոգ Գեորգի Պողոսյանի հետ: «Եթե կնոջ առաջին հղիությունը լինում է երեսուն տարեկանում, ապա ծննդաբերությունը հնարավոր է'կատարվի վիրահատական միջամտությամբ»,-ասաց գինեկոլոգը' հավելելով, որ ծննդաբերություն ընդունող բժիշկը կորոշի'ինչքանով է վիրահատությունը խիստ անհրաժեշտ:

Նրա խոսքով' կան ֆիզիոլոգիական առանձնահատկություններ, որոնք երեսուն տարեկանից հետո կարող են խանգարել ծննդաբերության նորմալ ընթացքին. խոսքը պոչուկի մասում գտնվող փոքրիկ հոդի մասին է, որը բոլոր կանանց մոտ երեսուն տարեկանից հետո ոսկրանում է ու չի աշխատում:

Դրա հետեւանքով լույս աշխարհ գալիս երեխայի գլուխը, հեշտությամբ դուրս չգալով, կարող է վնասվածք ստանալ: Գինեկոլոգի խոսքով' ուրիշ ոչինչ մի լուրջ խնդիր չի սպառնում' հղիանալու ու առողջ բալիկներ ունենալու գոնե մինչեւ երեսունհինգ տարեկանը, որից հետո, ինչպես հայտնի է, կանայք 4-5 անգամ ավելի քիչ են հղիանում: Մասնագետի հավաստմամբ'կնոջ առաջին հղիության ամենալավ տարիքը համարվում է 18-ից մինչեւ 28-ը:

LADYNEWS.am