ԱՄՆ-ի Կոլումբիայի շրջանի ոստիկանության աշխատակցին աշխատանքից հեռացրել են առաջին տիկին Միշել Օբամայինսպառնալու համար, գրում է "The Washington Post”-ը:

Միջադեպը տեղի է ունեցել հուլիսի 11-ին: Նախագահական թիկնազորի անդամ ոստիկաններից մեկը գործընկերների հետ զրույցի ժամանակ իբր թե ասել էր, որ կկրակերՄիշել Օբամային, որից հետո նա հեռախոսով ցույց է տվել այն ատրճանակի նկարը, որից կցանկանար կրակել:

Ոստիկաններից մեկը, ով լսել է սպառնալից խոսքերը առաջին տիկնոջ հասցեին, հայտնել է նախագահի եւ նրա ընտանիքի անդամների անվտանգությամբ զբաղվող Գաղտնի ծառայությունը:

ԱՄՆ-ի իշխանություններն սկսել են հետաքննել միջադեպը: Սպառնալիքների հեղինակ ոստիկանը եւ նրանք, ովքեր լսել են նրա խոսքերը, հեռացված են աշխատանքից: Սպիտակ տունն առայժմ չի մեկնաբանել միջադեպը:

henaran.am