Ոստիկանության քննչական գլխավոր վարչության Կոտայքի մարզի քննչական բաժնի Կոտայքի քննչական բաժանմունքում ավագ քննիչ Հրանտ Ասրյանի կողմից նյութեր են նախապատրաստվում երեկ՝ հուլիսի 17-ին, Կոտայքի մարզի Առինջ գյուղում տեղի ունեցած ինքնասպանության փաստով:shamshyan.com-ի փոխանցմամբ` ոստիկանության Կոտայքի բաժին ահազանգ է ստացվել, որ Առինջ գյուղի 1-ին փողոցի տներից մեկի բակում տղամարդու դի կա: Նշված գյուղ մեկնած ոստիկանության Կոտայքի բաժնի օպերատիվ քննչական խումբը պարզել է, որ նշված տան բնակիչ, 42-ամյա Ռուբեն Ս-ն թթենու ծառից կախվելու միջոցով ինքնասպան է եղել: Ըստ ֆոտոլրագրողի տեղեկությունների՝ նա նախկինում էլ է նման եղանակով ինքնասպանության փորձ կատարել, սակայն հարազատները կարողացել են կանխել այն: Տղամարդը ամուսնացած էր, ուներ 4 անչափահաս երեխաներ: