Երեկ սարսափելի դեպք է գրանցվել: Անհայտ քաղաքացին ահազանգել է ՀՀ ոստիկանության Մեծամորի բաժին եւ հայտնել, որ Արմավիրի մարզի Մայիսյան  գյուղի ծայրամասում ջրատարի մեջ նորածնի դիակ կա:

Այս մասին Henaran.am-ին տեղեկացրեց ՀՀ ոստիկանության լրատվության եւ հասարակայնության հետ կապերի վարչության աշխատակից Արմեն Մալխասյանը: Առայժմ հայտնի չէ, թե ինչպես է նորածինը հայտնվել ջրատարում:

Դեպքի առնչությամբ ոստիկանության  Արմավիրի մարզի քննչական բաժնում նյութեր են նախապատրաստվում: Կատարվում է քննություն:

henaran.am