Լոնդոնի 2012 թվականի ամառային Օլիմպիական խաղերի հունահռոմեական ոճի ըմբշամարտի տղամարդկանց 74 կգ քաշայինների պայքարում Հայաստանի ներկայացուցիչ Արսեն Ջուլֆալակյանը նվաճեց այսօրվա երկրորդ մեդալը Հայաստանի համար:
 

Եզրափակիչ գոտեմարտում նա պարտվեց Ռուսաստանի ներկայացուցիչ Ռոման Վլասովին՝ բավարարվելով արծաթե մեդալով:

Ավելի վաղ, կիսաեզրափակչում մեր օլիմպիական չեմպիոնը պարտության էր մատնել ադրբեջանի ներկայացուցիչ Էմին Ահմադովին:
 

Սա Հայաստանի նվաճած առաջին օլիմպիական արծաթն է՝ 30-րդ օլիմպիական խաղերում:
 

Հիշեցնենք, որ այսօր ծանրամարտի գերծանր քաշայինների պայքարում մեդալակիր էր դարձել նաև Հռիփսիմե Խուրշուդյանը՝ նվաճելով բրոնզե մեդալ: