Սիրիայի կառավարական զորքերն ապստամբներից խլել են Հալեպ քաղաքի թաղամասերից մեկը` Սալախեդդինը: Այս մասին տեղի հանրային հեռուստատեսության եթերում հայտարարել է ռազմական հրամանատարության ներկայացուցիչը: Նա հայտնել է, որ մի քանի օր անց այդ քաղաքում կլինի կարգուկանոն ու անվտանգություն:

Հալեպի համար կռիվներն ընթանում են նախորդ շաբաթվա կեսերից: Կառավարությունը Սիրիայի` թվով երկրորդ քաղաք է տեղափոխել մեծ քանակով զինտեխնիկա, այդ թվում` հրետանի և ծանր զրահապատ մեքենաներ,- հայտնում է ''Ինտերֆաքս''-ը:

ՄԱԿ-ի տվյալներով` քաղաքից փախել է գրեթե 200 հազ. բնակիչ, սակայն մեծ մասը դեռևս չի կարողանում լքել իր տունը:

mamul.am