Կոկտեյլ պատրաստելը շատ հետաքրքիր գործընթաց է: Համաձայնեք, հաճելի է հետեւել որեւէ յուրահատուկ կոկտեյլ պատրաստող բարմենի զարմանահրաշ շարժումներին: Ցանկանո՞ւմ եք իմանալ տնային պայմաններում 3 ամենահայտնի կոկտեյլները պատրաստելու գաղտնիքը: NEWS.am STYLE-ն այդ գաղտնիքը կկիսի ձեզ հետ:

«Պինա կոլադա»

Բաղադրություն.

Սպիտակ ռոմ – 50 մլ

Կոկոսի օշարակ – 30 մլ

Անանասի հյութ – 100 մլ

Պատրաստման եղանակը.

1. Ռոմը, կոկոսի օշարակն ու անանասի հյութը լցրեք հարիչի մեջ;

2. Հարիչը լցրեք սառույցի խորանարդիկներով եւ թափահարեք;

3. Քամիչի միջոցով այն լցրեք սառույցով հարիքեյն բաժակի մեջ;

4. Զարդարեք անանասով եւ կոկտեյլային բալով:

«Թեքիլա Սանրայզ»

Բաղադրությունը.

Թեքիլա – 50 մլ

Նարնջի հյութ – 150 մլ

Գրենադին օշարակ – 10 մլ

Պատրաստման եղանակը.

1. Հայբոլը մինչեւ վերջ լցրեք սառույցի խորանարդիկներով;

2. Ավելացրեք թեքիլան եւ նարնջի հյութը;

3. Վերեւից ավելացրեք գրենադին օշարակը;

4. Զարդարեք նարնջի շերտով:

«Մարտինի դրայ» (Ջեյմս Բոնդի կոկտեյլը)

Բաղադրությունը.

Չոր վերմուտ – 15 մլ

Չոր ջին – 75 մլ

Ձիթապտուղ – 1 հատ

Պատրաստման եղանակը:

1. Կոկտեյլի գավաթն ու խառնելու բաժակը սառեցրեք;

2. Հալած ջուրը խառնելու բաժակից թափեք;

3. Լցրեք վերմուտն ու ջինը եւ մեծ գդալով խառնեք;

4. Խառնելու բաժակից սառույցը պահելով, պարունակությունը լցրեք կոկտեյլի գավաթը;

5. Փայտիկի վրա ամրացված ձիթապտուղն ընկղմեք գավաթի հատակը:

NEWS.am STYLE