Rcproduct ընկերությունը թողարկել է աշխարհի ամենաթանկ աղբյուրի ջուրը՝ Aurum 79-ը, որի 1 շիշն արժե 900 հազար դոլար, գրում է LuxPlanet-ը։

Aurum 79-ը վաճառքի է հանվել խիստ սահմանափակ քանակով՝ ընդամենը 3 շիշ, որոնցից յուրաքանչյուրի մեջ շշալցված է 0.5 լ աղբյուրի ջուր։ Բյուրեղապակյա շշերը պատված են 24 կարատանոց ոսկուց, իսկ դրանցից յուրաքանչյուրը զարդարված է 113 սպիտակ ադամանդով՝ 79 թվանշանի տեսքով։

Aurum 79 աղբյուրի ջուրը վերցվել է գերմանական Սանկտ Լեոնարդ հանգստյան գոտուց և իր մեջ պարունակում է ոսկու ուտելի թիթեղիկներ։ 

Ջրի պաշտոնական շնորհանդեսը կկայանա 2013թ.-ի սկզբին՝ Արաբական Միացյալ Էմիրություններում՝ Big Boys Toys ցուցադրության շրջանակներում։ 

tert.am