Գերմանիայում ալկոհոլի օգտագործման ցուցանիշներն ամենաբարձրերից մեկն են Եվրոպայում, ինչի հետևանքով երկիրը տարեկան 26 մլրդ եվրոյի վնաս է կրում, մասնավորապես, աշխատավայրերում հարբեցողության պատճառով, գրում է Euromag-ը:

Թեև երկրում 1990-ականներից սկսած ալկոհոլի օգտագործումը զգալի նվազել է, այնուամենայնիվ, այս հարցում Գերմանիան զիջում է միայն սկանդինավյան և արևմտաեվրոպական երկրներին:

Barmer GEK ապահովագրական ընկերությունն աշխատավորների շրջանում ալկոհոլի չարաշահման թեմայով մի զեկույց է կազմել, որից պարզ է դառնում, որ առավել շատ են հակված հարբեցողությանը երկրի հյուսիսի 45 տարեկանից բարձր մարդիկ. ինչպես նաև, որ խմիչքի հետ սեր ունեցողներն անհամեմատ ավելի քիչ են աշխատում, հաճախակի բացակայում են առանց հարգելի պատճառների, ինչի հետևանքով ավելի քիչ արտադրանք են տալիս:

Բացի այդ, ընկերությունը կարողացել է անմիջական կապ գտնել մասնագիտության և հարբեցողությանը հակվածության միջև: Պարզվում է, որ աշխատավայրում ամենից շատ սիրում են խմել բանվորները, որոնց հաջորդում են հավաքարարները, վաճառողները, ֆերմերներն ու վարսավիրները: Սակայն պատկերն այլ է  բնական գիտությունների, կառավարման և սոցիալական ոլորտում, որտեղ աշխատողներն անհամեմատ ավելի սթափ կենսակերպ են վարում:

Այլ կերպ ասած, «նորմալ կրթութուն չունեցող» մարդիկ հարբեցող դառնալու ավելի մեծ սպառնալիքի տակ են գտնվում: