Խոյ. Կարող են դժվարություններ ծագել աշխատավայրում, և դրա պատճառը ձեր` ուշադրություն պահանջող գործերով զբաղվել չցանկանալն է: Իհարկե, դուք կարող եք կենտրոնանալ, հասկանալ, թե ինչ է պետք անել, բեղմնավոր աշխատել և անգամ հասնել որոշակի հաջողությունների, սակայն այդ ամենը ձեզ կտրվի մեծ դժվարությամբ:Փոխարենը անձնական կյանքում ոչ մի խնդիր չի ծագում: Դուք հեշտությամբ եք հասնում մտերիմների հետ փոխհասկացվածության, հեշտությամբ լեզու գտնում ինչպես վերջիններիս, այնպես էլ`նոր ծանոթների հետ: Ձեր հմայքի շնորհիվ ամենաբարեհաճ տպավորություն եք թողնում հակառակ սեռի ներկայացուցիչների վրա:

Ցուլ. Եթե այսօր ձեզ պետք է որևէ մեկի վրա անզուգական տպավորություն թողնել, ապա դրա համար դուք կարող եք մեծ ջանքեր չթափել, քանի որ առանց դրա էլ բոլորը ձեզանից խիստ գոհ են: Օրը հիանալի հարմար է աշխարհիկ միջոցառումների այցելելու, կոնֆերանսներում և սեմինարներում ելույթ ունենալու, գործնական բանակցություններ վարելու համար: Անգամ նախկին անբարյացկամները սկսում են ձեր հանդեպ ջերմ զգացմունքներ տածել:

Օրը հարմար է ֆինանսական հարցեր լուծելու համար, հնարավոր են դրամական մուտքեր, նշանի որոշ ներկայացուցիչներ կգտնեն եկամուտների նոր աղբյուր: Տանը տիրում է ներդաշնակության մթնոլորտ:

Երկվորյակներ. Ամենապարզ օրերից չէ` դուք շատ սուր եք արձագանքում ձեր շուրջը կատարվող գրեթե բոլոր իրադարձություններին, ամեն մանրուք սրտին չափազանց մոտ ընդունում: Այդ ամենը խանգարում է կենտրոնանալ կարևոր գործերի վրա: Սակայն ղեկավարությունը հավակնություններ չի ներկայացնում ձեզ, և ընդհանուր առմամբ, իրավիճակը աշխատավայրում բարենպաստ է:

Ցանկալի չէ անձնական կյանքում ինչ-որ բան շրջադարձորեն փոխել, հարաբերություններ պարզաբանել մտերիմների հետ: Աննշան տարաձայնությունների վրա ավելի լավ է ուշադրություն չդարձնել` շուտով դրանք ինքնաբերաբար կհարթվեն:

Խեցգետին. Այսօր դուք արագ եք գործում, և ճիշտ եք անում, քանի որ այժմ ժամանակ կորցնել չի կարելի: Կհաջողվի ձեր գիտելիքներին և տաղանդներին արժանի կիրառություն գտնել: Ծագող խնդիրների լուծմանը դուք մոտենում եք ստեղծագործաբար, ինչն էլ միանշանակ նպաստում է հաջողությանը: Շրջապատը ձեր օգնության կարիքն ունի, չմերժեք ոչ մեկին` հիշեք, որ ոչ մի անհնար բան նրանք ձեզանից չեն ակնկալում:

Դուք ստիպված եք լինելու ձեզ վրա վերցնել ընտանեկան և կենցաղային հարցերի լուծումը, և դրանից միայն շահելու եք, քանի որ ձեզանից բացի ոչ ոք չի կարող դրանք լավագույնս անել: Հնարավոր են նոր ծանոթություններ, այդ թվում և` հեռվից ժամանած մարդկանց հետ:

Առյուծ. Հակասական օր է: Մի կողմից` ամեն ինչ դասավորվում է բավական հաջող, մյուս կողմից էլ` ձեզ բոլորովին դուք չի գալիս իրադարձությունների զարգացումը, սակայն դուք չգիտեք, թե ինչպես ազդել դրանց վրա: Մի շտապեք` շուտով նախազգացումը ցույց կտա, թե ինչպես է պետք գործել: Օրը հարմար է գործնական շփումների, քննարկումների համար, սակայն մի շտապեք վերջնական որոշում ընդունել` դուք առայժմ չունեք բավարար տեղեկություններ:

Շրջապատի մարդիկ ձեզ հաճախ սխալ են հասկանում, ձեր դիտողությունները նրանց վիրավորական և ոչ տեղին են թվում, այդ իսկ պատճառով էլ վեճերն անխուսափելի են: Ցանկալի չեն նոր ծանոթությունները` այսօր դուք հակված չեք մարդկանց ճիշտ գնահատելու:

Կույս. Անհանգիստ ու լարված օր է: Ձեր գլխում ծագող գաղափարները լավն են, սակայն դրանք առայժմ չեն կարող իրականացվել, ինչը ձեզ լրջորեն տխրեցնում է: Խնդիրներ են ծագում անհրաժեշտ տեղեկությունների ստացման և փաստաթղթերի ձևակերպման հետ կապված: Ցանկալի չեն չինովնիկների, պետական կառույցների ներկայացուցիչների հետ հանդիպումները: Հնարավոր են չարդարացված ծախսեր, ֆինանսական կորուստներ:

Ամեն ինչը չէ, որ հարթ է անձնական կյանքում, սակայն խնդիրները ձեզ չեն մտահոգում, քանի որ վստահ եք, որ կգտնեք դրանց լուծումները: Ձեր լավատեսությունը վարակիչ է, և ձեզ հաջողվում է բարձրացնել շրջապատի տրամադրությունը:

Կշեռք. Օրվա առաջին կեսը բարդ կլինի: Պետք կլինի կենտրոնանալ աշխատանքի վրա, սակայն դա ձեզ մոտ վատ է ստացվում, դուք սխալներ եք թույլ տալիս, իսկ դրանք էլ, ցավոք, չեն մնում աննկատ: Բարեբախտաբար, դուք դաշնակիցներ ունեք, ովքեր պատրաստ են բարդ իրավիճակում օգնության ձեռք մեկնելու: Դրանից բացի, դուք միշտ կարող եք օգտվել ձեր հմայքից, որպեսզի կարողանաք ձեր կողմը քաշել նոր մարդկանց: Զգույշ եղեք փողի հարցում` մեծ է ֆինանսական կորուստների հավանականությունը: Օրվա երկրորդ կեսն ավելի բարենպաստ է, և հանգամանքների հաջող դասավորվելը օգնում է անձնական բնույթի խնդիրներ լուծելուն և նոր ծանոթություններ հաստատելուն:

Կարիճ. Դժվարությունները կարող են ծագել, սակայն դուք ամենայն հավանականությամբ դրանք հեշտությամբ կհաղթահարեք: Դրանում ձեզ կօգնեն ոչ միայն համառությունն ու նպատակամղվածությունը, այլև հնարամտությունը` դուք օրիգինալ որոշումներ եք կայացնում, ելքեր գտնում այնպիսի իրավիճակներից, որոնք ուրիշների համար անհուսալի կթվային:

Այսօր կարելի է ֆինանսների և ունեցվածքի հետ կապված հարցեր լուծել, կարգավորել ընտանեկան գործերը: Եթե այսօր ռոմանտիկ հարաբերություններ սկսեն, ապա դրանք, կարող եք չկասկածել, երկարատև կլինեն:

Աղեղնավոր. Ընդհանուր առմամբ օրը հաջողն է, սակայն դուք հակված եք նկատել միայն այն, ինչը ձեզ դուր չի գալիս, այդ իսկ պատճառով էլ ձեր տրամադրությունը հեռու է ցանկալիից: Դուք սրտնեղում եք ամեն մի չնչին բանից, իսկ նշանի առավել ձախորդ ներկայացուցիչները կարող են կոնֆլիկտներ ունենալ ղեկավարության հետ:

Իրավիճակը կարող է հարթվել մտերիմ մարդու հետ շփումների արդյունքում` դուք լավ խորհրդի և բարոյական աջակցության կարիք ունեք և անհապաղ կստանաք դա: Օրվա երկրորդ կեսը փայլուն գաղափարների ծագման պահն է, որոնց իրականացման հետ կապված խնդիրներ չեն առաջանա:

Այծեղջյուր. Օրն իր հետ բերում է բավական շատ տհաճ իրադարձություններ, սակայն դուք պահպանում եք ձեր սառնասրտությունը, և դա իրեն լիովին արդարացնում է, քանի որ ընկերների և դաշնակիցների աջակցության շնորհիվ բոլոր խոչընդոտները արագ հաղթահարվում են: Ցանկալի չէ օրվա վրա պլանավորել ուղևորություններ` դրանք ձեզանից շատ ժամանակ կխլեն և չեն արդարացնի ձեր սպասումները: Ծագող ֆինանսական դժվարությունները ժամանակավոր բնույթ կկրեն:

Ազատ ժամանակը արժե անցկացնել ընկերների հետ շփումներում, ինչը միանշանակ կբարձրացնի ձեր տրամադրությունը: Կարելի է սիրելի մարդու հետ քննարկել ապագայի պլանները` պայմանավորվելը շատ հեշտ կլինի:

Ջրհոս. Այսօր պետք է շատ զգույշ լինեք`ձեզ մի շարք դժվարություններ են սպասում: Բանը նրանում է, որ դուք հակված եք վստահել այնպիսի մարդկանց, ովքեր դրան բոլորովին արժանի չեն: Ձեր միակ թույլ կողմը` ինքներդ ձեզ <ոչ> ասել չկարողանալն է: Դուք լիովին տրվել եք ձեր քմահաճություններին և հպանցիկ ցանկություններին, ինչն էլ հանգեցնում է լուրջ կորուստների:

Շատ կարևոր է անձնականն ու պրոֆեսիոնալն իրարից առանձնացնելը` այսօր ոչ մի դեպքում չի կարելի ծառայողական սիրավեպ սկսել: Դուք հմայիչ եք, ձեր կողմն են ձգվում շատ մարդիկ, սակայն ցավոք` ոչ միայն ձեր հանդեպ դրական մղումներ ունեցողները:

Ձկներ. Օրվա առաջին կեսը շատ հաջող է դասավորվում: Այդ ժամանակահատվածում դուք ձեզ դրսևորում եք լավագույն կողմերով, և զարմանալի չէ, որ մարդիկ ձեր հանդեպ մեծ հետաքրքրություն են դրսևորում, արդյունքում հայտնվում են նոր դաշնակիցներ, գործընկերներ, անգամ` ընկերներ:

Երեկոյի հետ բացասական միտումների ազդեցությունը ուժեղանում է և արտահայտվում է դա, առաջին հերթին, ձեր տրամադրության վրա` դուք դառնում եք նյարդային և անհամբեր, սուր եք արձագանքում ձեր հասցեին հնչող ցանկացած դիտողությանը: Շրջապատը ուշադրություն չի դարձնում ձեր վրիպումների վրա, իսկ բոլոր հաղթանակներն ու նվաճումները նկատում է: hraparak.am