Կնոջ տարիքը ոչ թե ապրած տարիների թվով է որոշվում, այլ արտաքին տեսքով: Կան մի քանի գաղտնիքներ, որ կօգնեն Ձեզ ավելի երիտասարդ տեսք ունենալ : Պարզապես պետք է մի քիչ զգույշ լինել, քանի որ ամեն ինչ չափի մեջ է գեղեցիկ, այնուամենայնիվ, չի կարելի հաշվի չառնել նաև կենսաբանական տարիքը: Տգեղ է, երբ 40-ն անց կինը 16 տարեկանի տեսք ունի և հակառակը: Մի խոսքով, խորհուրդները կիրառելուց հետո ուշադիր եղեք, որ չշփոթեք շրջապատողների քմծիծաղը հիացմունքի հետ…

1. «Ոչ» ասեք մուգ գույների շրթներկերին: Նկատի ունեցեք' թեթև փայլով բաց վարդագույնը թարմացնում է տեսքը, իսկ, օրինակ, կարմիրն ու շագանակագույնը տեսողականորեն փոքրացնում են շուրթերը:

2. Ազատվեք աչքերի տակի սևությունից: Հմուտ կոսմետոլոգն այս գործում Ձեզ օգնությա կգա: Ընտրեք տոնային կրեմի գույնից գրեթե չտարբերվող կորեկտոր և այն օգտագործեք հնարավորինս քիչ քանակությամբ' չխախտելու համար աչքերի բնական տեսքը:

3. Բնական շիկնանքը երիտասարդացնում է ցանկացած կնոջ, բայց շատերը սխալ են օգտագործում այտաներկն ու դառնում ծիծաղելի: Հատկապես մեծ տարիքում պետք է գնել հնարավորինս բաց գույնի այտաներկ և տարածել այնպես, որ գույնը հստակ սահման չունենա մարմնի գույնի հետ:

4. «Բացեք» աչքերը: Այո', թարթիչաներկի օգնությամբ ծավալ հաղորդեք աչքերին: Որքան շեշտված են աչքերը, այնքան ավելի երիտասարդ եք Դուք երևում:

5. Զգուշացեք դիմափոշուց: Եթե Ձեր դեմքին կան կնճիռներ, ապա մի շտապեք ծածկել դրանք դիմափոշով, քանի որ այն կկուտակվի ու ավելի կտգեղացնի դեմքը: Նախ փորձեք պայքարել կնճիռների դեմ:

6. Հնարավոր բոլոր ձևերով ծավալ հաղորդեք մազերին: Գլխամաշկին կպած մազերը վիզուալ մեծացնում են կնոջը: Բայց մազերը գլխամաշկից բարձրացնելու ժամանակ մի կորցրեք չափի զգացողությունը:

7. Մազափունջը միշտ էլ լավագույն ընտրությունն է: Այն կլորիկ է ցույց տալիս դեմքը, ծածկում ճակատի կնճիռները և, առհասարակ, միշտ նորաձև է:

8. Սովորեք ճիշտ ընտրել հագուստ: Բնական է' տարիների հետ սեր է առաջանում մուգ գույների, հատկապես' սևի նկատմամբ, բայց հիշեք, որ այդ գույնը ծերացնում է կնոջը: Ընտրեք առավել վառ գույների հագուստ:

9. Ապացուցված է' ցիտրուսային բույրը կնոջ տարիքը 6 տարով ավելի քիչ է ցույց տալիս: Օգտվեք ցիտրուսային բույր ունեցող օծանելիքներից:

10. Գեղեցիկ ձեռքերը կնոջ հմայքի գաղտնիքն են: Մշտապես նուրբ ու խնամված պահեք ձեռքերը և մի մոռացեք մանիկյուրի մասին:

ladynews.am