Ավստրալիայի վերաքննիչ դատարանը իգական և արական սեռերից բացի ճանաչել է նաև երրորդ սեռի գոյության հանգամանքը. տեղեկացնում է Russia Today-ը՝ The Sydney Morning Herald-ի հղումով։
Դա դատական առաջին նման նախադեպն է։

 Երրորդ սեռը հայտնվել է շնորհիվ 52-ամյա ակտիվիստ Նորրիի, ով իրեն անսեռ է համարում։ 2010թ.-ին նա գրանցվել էր իբրև մարդ, ում սեռը հայտնի չէ։

Սակայն հետագայում այդ որոշումը սխալ էին համարել և Նորիին առաջարկել էին կողմնորոշվել։ Ակտիվիստը դիմել էր դատարան, որտեղ սկզբում նրան մերժել էին։ Սակայն երկրորդ անգամ նա բողոքարկել էր և ստացել իրավունք՝ չճանաչել իր սեռը որպես իգական կամ արական։

Այժմ վարչական դատարանը պետք է որոշի՝ ինչ կերպ է նշվելու նոր սեռը։

Ավստրալիայի քաղաքացիներն իրավունք ունեն «Х» տառը լրացնել անձնագրի սեռի նշման դաշտում, եթե իրենց չեն համարում ո’չ կին, ո’չ տղամարդ։

Tert.am