Մայիսի 7-ին՝ ժամը 23.36-ին, տեղեկատվություն է ստացվել, որ Վանաձոր–Ալավերդի ավտոճանապարհի 25-րդ կմ-ում տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ, դեռևս չբացահայտված հանգամանքներում, «ԳԱԶ 24» մակնիշի 23ՍՏ309 պետհամարանիշի ավտոմեքենան դուրս է եկել ճանապարհի երթևեկելի մասից և ընկել Փամբակ գետը:

Մինչ հրշեջ-փրկարարների կանչի վայր հասնելը, վարորդ՝ 1990թ. ծնված Հովսեփ Բալյանը ինքնուրույն դուրս է եկել գետից և հրաժարվել բուժօգնությունից: