Հուլիսի 4-ին, կեսգիշերին մոտ Գյումրիում տեղի ունեցած ավտովթարի արդյունքում տուժած Միխայել Գրիգորյանը տեղափոխվել է Երեւանի Էրեբունի բժշկական կենտրոն: Henaran.am-ի տեղեկություններով նրա վիճակը ծայրահեղ ծանր է, եւ Գրիգորյանը դեռ կոմայի մեջ է:

Հիշեցնենք, որ ըստ արտակարգ իրավիճակների նախարարության հաղորդագրության, Գյումրի քաղաքի Խրիմյան Հայրիկ փողոցում ”Օպել Վեկտրա” մակնիշի 20 օօ723 պետհամարանիշի ավտոմեքենան (վարորդ` 1988թ. ծնված Լեւոն Թոփչյան) բախվել է տնակին, ինչի հետեւանքով Լ. Թոփչյանը եւ ուղեւոր Մ. Գրիգորյանը ստացել են տարբեր մարմնական վնասվածքներ:

Փրկարարները մեքենայից դուրս են բերել տուժածներին, ովքեր հոսպիտալացվել են Գյումրի քաղաքի Գյուլբենկյանի անվան հիվանդանոց: Լ. Թոփչյանը հոսպիտալացման ճանապարհին մահացել է:

henaran.am