Գերմանական բանկերից մեկի աշխատակիցը 222 մլն եվրոյից ավելի գումար է փոխանցել՝ աշխատանքի ժամանակ ննջելով ստեղնաշարի վրա։

Տղամարդը 64,2 եվրո փոխանցել, բայց քնել է՝ ձեռքը 2 թվի վրա սեղմած։ Արդյունքում նա հաշվեհամարին 222222222,22 եվրո է փոխանցել։ Սխալը շուտով հայտնաբերվել եւ շտկվել էր, հայտնում է  BBC-ն։

Գերմանական լրատվամիջոցների տվյալով՝ դեպքը տեղի է ունեցել 2012թ. ապրիլին՝ Մայնի Ֆրանկֆուրտի բանկերից մեկում։ Աշխատանքից ազատվել է  բանկի 48-ամյա աշխատակիցը, որի պարտականություններից էր քնած աշխատակցի գործողություններին հետեւելը։

1986թ.-ից բանկում աշխատած կինը դիմել է դատարան, գրում է  lenta.ru-ն։

Աշխատանքային վեճերի հարցով դատարանը հաստատելլ է, որ դեպքի օրը աշխատակցուհին 800-ից  ավելի գործարքներ է կատարել։ Հունիսի 10-ին դատարանը հեռացումը համարել էր անօրինական եւ պահանջել վերականգնել բանկի աշխատակցուհու աշխատանքը։