Բերանի խոռոչի վատ հոտը խնդիր է, որ բոլորի մոտ էլ կարող է առաջանալ: Առաջարկում ենք հասկանալ, թե ինչ պատճառներով է առաջանում հոտը, և կանխարգելելու համար ինչ է խորհուրդ տրվում:

Հոտի առաջացման պատճառները ցավոք այնքան շատ են, որ դժվար է թվել բոլորը: Բայց հիմնականում լինում է սննդամթերքի որոշ տեսակների օգտագործման, ասենք' սոխ, սխտոր և այլն, պատճառով: Պատճառ կարող են լինել նաեւ ծխախոտը, ալկոհոլը: Վատ հոտ կարող է առաջանալ նաև հենց բերանային խոռոչի որևէ հիվանդության, հիվանդ ատամի և ընդհանրապես վատ լվացած ատամների պատճառով: Վատ հոտը որևէ վիրուսի, հիվանդության ախտանիշ է, որը կարող է հանգեցնել ինչպես կոկորդի, ստամոքսի, այնպես էլ աղիների բորբոքման:
Ինչպես ազատվել բերանի տհաճ հոտից

Առաջին հերթին գտեք հոտի առաջացման պատճառը: Դեմ առ դեմ կանգնեք Ձեր «թշնամու» հետ: Ճիշտ խնամքը, ալկոհոլից և ծխելուց հրաժարվելը, ատամնաբույժին ժամանակին այցելելը Ձեզ հեռու կպահեն բոլոր տեսակի վատ հոտերից: Ճիշտ սնունդը նույնպես շատ կարևոր է: Եթե Դուք ինչ-որ կծու, թթու բան եք համտեսել, ապա անպայման դրանից հետո լվացեք ատամները կամ ապահովության համար մաստակ պահեք ձեռքի տակ: Ատամների կանոնավոր լվացումը Ձեզ հեռու կպահի այդ բորբոքումներից և տհաճ հոտերից:

Օգտակար են նաև ժողովրդական բժշկության առաջարկած միջոցները: Օրինակ՝ հոտի չեզոքացում բույսերի թուրմերի միջոցով: Կարելի է օգտագործել ելակի և երիցուկի թուրմեր: Թուրմի պատրաստման համար պետք է 1 ճաշի գդալ չորացրած բույսը և մեկ բաժակ տաք ջուր: Թրմել 30 րոպե, այնուհետև ողողել բերանը օրվա մեջ մի քանի անգամ, և վերջ: Արդյունքը ակնհայտ կլինի:

Օգնում է նաեւ անանուխը: Թե հենց բույսը ծամելը եւ թե թրմած վիճակում օգտագործելը:

Հնարավոր է նաև վերացնել հոտը մի քանի տերև մաղադանոս ծամելով, խնձոր ուտելով և թունդ թեյ ըմպելով:
Օգտակար է նաև կիտրոնը շաքարի հետ ուտել: Կիտրոնաթթվի մեջ բակտերիաները միանգամից չքանում են: Օգտագործելուց հետո պետք չէ վրայից ջուր խմել, բայց մի բան ուտել անհրաժեշտ է, ասենք' ըմպելի յոգուրտ:

ladynews.am