Փոփ երգչուհիԲեյոնսեի դուստր Բլու Այվին արժանացել է խորվաթական համանուն կղզում գտնվող Հվար քաղաքի պատվավոր քաղաքացու կոչմանը: Համապատասխան որոշում է կայացրել քաղաքապետ Պյերինո Բեբիչը: Նա արդեն նամակ է ուղարկել Բեյոնսեի ընտանիքին, որում հայտնել է ուրախալի լուրը:

Երգչուհին եւ նրա ամուսինը` ռեփեր Ջեյ Զին, հանգստանալիս են եղել կղզում 2011-ին, երբ Բեյոնսեն հղի էր: Հանգստի ժամանակ աստղը նկարվել էր բաղեղով պատված ծառի մոտ, ինչն էլ հենց ոգեւորել է Բեբիչին: Բանն այն է, որ Բեյոնսեի դստեր անունն անգլերենից թարգմանաբար նշանակում է "կապույտ բաղեղ”:

Քաղաքապետ Բեբիչը նաեւ հրավիրել է Բեյոնսեի ընտանիքին եւս մեկ անգամ հանգստանալու իրենց կղզում: Նա առաջին անգամը չէ, որ հանդես է գալիս նման նախաձեռնությամբ: 2011-ին նա նամակ էր գրել Մարկ Ցուկերբերգին, որում առաջարկել էր վերջինիս պայմանավորվել` կղզին Facebook-ի պատվին կոչելու առաջարկի շուրջ:

henaran.am