2007թ. Կուրսկի 19-ամյա բնակչուհի Անաստասիա Կարատաևան պարանոցի վրա անհասկանալի քերծվածքներ է նկատել, այնուհետ մեծ վերքեր են ի հայտ եկել ձեռքի վրա: Անաստասիայի մայրն աղջկան անմիջապես հիվանդանոց է տարել: ''Սկզբում մտածում էինք, թե դա սովորական մրսածություն է, բայց բժիշկներն ասացին, որ անբուժելի հազվագյուտ հիվանդություն է. պետք է վիրահատել,- Life News-ն պատմել է աղջկա մայրը:
Առաջին վիրահատությունից հետո վերքերն ավելի շատացան ու գնալով ավելի մեծ չափերի հասան: Վիրահատությունները հաջորդում էին մեկը մյուսին: 20-րդ վիրահատությունից հետո բժիշկները հրաժարվեցին օգնել Անաստասիային:

Մտերիմներից մեկը խորհուրդ է տվել աղջկան տանել Իսրայել` բուժման: Եվ մինչ Նաստյայի մայրը հավաքում էր բուժման համար անհրաժեշտ գումարը, աղջկան արդեն 70-րդ անգամն էին վիրահատում:

Իսրայելցի բժիշկները` զննելով աղջկան, սարսափել էին: Պարզվել է, որ նրա վերքերի պատճառն իմունային համակարգի խախտումն է: Եվ այդտեղ վիրահատություններ պետք չեն, այն էլ այդ քանակությամբ:

Աղջկա մայրն այժմ գումար է հավաքում դստեր հետագա բուժումը շարունակելու համար:

mamul.am