Կարծում եք' դավաճանության համար սահմանված «Աստծու պատիժ» ասվածն ընդամենը մի՞ֆ է, ուրեմն ծանոթացեք կանադացի բժիշկների վերջին հետազոտությանը... Ինչպես տեղեկացնում է Globalnews.ca-ն, վերջիններս ուսումնասիրել են հանկարծամահության 5559 դեպք: Սեքսի ժամանակ մահերի ճնշող մեծամասնությունը (93%) գրանցվել է տղամարդկանց դեպքում: Հետաքրքիր է, որ նրանց 75%-ն այդ պահին դավաճանելիս է եղել կնոջը:

Բժիշկները, իհարկե, չեն ընդունում, որ այստեղ Աստծու մատն է խառը, և իբրև պատճառ նշում են անծանոթ միջավայրի պատճառով լարվածությունը, զուգընկերուհու երիտասարդ տարիքը, ալկոհոլի կամ ուտելիքի չարաշահումը սեքսից առաջ:

Հիշարժան է, որ վերջին շրջանում այս թեման հաճախ է ուսումնասիրվում բժիշկների կողմից, օրինակ՝ անցած տարի ուրոլոգ Էնդրյու Կրամերը՝ Մերիլենդայի համալսարանից, հրապարակեց իր մի հետազոտության արդյունքները՝ ապացուցելով, որ տղամարդկանց սեռական օրգանն առավել հաճախ վնասվում է դավաճանելիս, քան սեփական կնոջ հետ սեռական ակտի ժամանակ: