Ծծակը ոչ միայն հանգստացնում է երեխային, այլ նաև պաշտպանում է հանկարծակի մահից: Ահա այսպիսի եզրակացության են եկել ավստրալացի գիտնականները:

Քնած ժամանակ մանկան հանկարծակի մահը կապված է նրա հետ, որ շնչառության կանգի հետ մանուկը չի կարողանում արթնանալ կամ նրա մոտ կտրուկ իջնում է ճնշումը: Հետազոտության հեղինակների կարծիքով՝ ծծակը երեխային օգնում է արթնանալ և պահպանել սրտի աշխատանքի նորմալ ռիթմ: Փոքրիկ փորձարկման արդյունքում պարզ է դարձել, որ ծծակ ծծող երեխաների օրգանիզմն ավելի լավ է արձագանքում ճնշման տատանումներին:

Բացի այդ, հեղինակները նշում են, որ երեխային ծծակ պետք է տալ արդեն այն ժամանակ, երբ հաստատվել է կրծքով կերակրելու ռեժիմը, իսկ ծծակից հրաժարվել խորհուրդ է տրվում 6-12 ամիսներին:


Աղբյուրը՝ Doctors.am