Ոստիկանության Կենտրոնականի բաժնի հետաքննչական բաժանմունքում նյութեր են նախապատրաստվում այսօր՝ հուլիսի 29-ին, Կենտրոն վարչական շրջանում տեղի ունեցած միջադեպի փաստով: Ինչպես հայտնում է ֆոտոլրագրող Գագիկ Շամշյանը, գիշերը ժամը 02:00-ի սահմաններում երեք երիտասարդներ «Արամե» կարաոկե ակումբում վիճաբանել են միմյանց հետ, այնուհետև սկսել ծեծկռտուք: Տեղում միջամտել են ոստիկանության Երևան քաղաքի վարչության Պարեկապահակային ծառայության գնդի աշխատակիցները, ովքեր կռվի մասնակիցներին ՝ Կոտայքի մարզի Մրգաշեն գյուղի բնակիչ 28-ամյա Արմեն Մուրադյանին, Երևան քաղաքի Պարույր-Սևակի փողոցի բնակիչ 25-ամյա Սուրեն Աբրահամյանին և Երևան քաղաքի Գարեգին Նժդեհ փողոցի բնակիչ 21-ամյա Գարիկ Վարդանյանին բերման են ենթարկել Ոստիկանության կենտրոնական բաժին: Ըստ տեղեկությունների՝ վերջիններս եղել են ոչ սթափ վիճակում, իսկ նրանցից մեկը ոտքով հարվածել և վնասել է ոստիկանության ավտոմեքենան: Ֆոտոլրագրողը հայտնում է, որ նշված անձինք ստորագրությամբ ազատ են արձակվել: Հիշեցնենք, որ Արամե կարաոկե ակումբը պաշտոնապես բացվեց անցյալ տարվա հոկտեմբերի 10-ին` երգչի 30-ամյակի առթիվ:

Լուսանկարը՝ Գագիկ Շամշյանի

http://shamshyan.com