Թուրքիայի Միլաս նահանգում 19-ամյա մի ուսանողուհի մոր հետ հիվանդանոց գնալով, հայտնել է, որ որովայնի շրջանում սուր ցավեր ունի: Հիվանդանոցում նախնական հետազոտություն անցնելուց հետո աղջիկը պնդել է, թե ցավերն ուժեղացել են ու գնացել է զուգարան: Այնտեղ նա ծննդաբերել է:

Թուրքական «Սոնդաքիքա» (Sondakika) լրատվական կայքի տեղեկացմամբ` աղջիկը տեղյակ չի եղել, որ հղի է և տեսնելով երեխային խուճապի է մատնվել ու նորածնին նետել աղբարկղը, գրում է panorama.am-ը: Ավելի ուշ հիվանդանոցի աշխատողները աղբարկղում նկատելով նորածնի անշունչ մարմինը, այդ մասին տեղեկացրել են հիվանդանոցի ղեկավարությանը: Աղջկա նկատմամբ հարուցվել է քրեական գործ: