Հետաքրքիր Փաստեր Կիրակի, 07.06.2026, 01:42
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Քիմ Քարդաշյանը ցուցադրել է առանց ''ֆոտոշոփ''-ի մարմինը (ֆոտո)

[Անիմացիա]
Սեղմիր Класс

Թեթև ապրելու 10 գրավական

Նրանք տղամարդկանցից խելացի են. TOP 10 businesswomen

Աշխարհի ամենահարուստ կանանց թոփ տասնյակում է նաև Քիմ Քարդաշյանը

Ավտովթարից տուժածը կոմայի մեջ է

Ադրբեջանցի զինծառայողը զոհվել է հայկական տարածքում մարտական առաջադրանք կատարելի՞ս

Որպես պատիժ բռնաբարել են

Ականի պայթյունից զինվոր է վիրավորվել

Ուսուցիչն արտասովոր լուծում է գտել երեխաների առաջադիմությունը բարձրացնելու համար

Քիմ Քարդաշյանը կայցելի Հայաստան` Victoria's Secret-ի կրծկալների հավաքածուն գովազդելու համար

Երեխան զանգահարել ու հայտնել է, որ իրեն առևանգել են

Յասիր Արաֆաթի հագուստի ու անձնական իրերի վրա հայտնաբերվել են պոլոնիումի հետքեր

Նախորդ շաբաթվա ընթացքում Հայաստանում առավելագույնը դիտված 50 հեռուստահաղորդումները (աղյուսակներ)

Քիմ Քարդաշյանը կրկին ցանկանում է ամուսնանալ

Ուիթնի Հյուսթոնի նախկին ամուսինը նորից է ամուսնացել (լուսանկարներ)

Նռան հյութը կտրուկ ուժեղացնում է սեռական ցանկությունը. շոտլանդացիների բացահայտումը

Ծանոթ երաժշտությունը կարող է հիվանդներին արթնացնել կոմայից

Ստամբուլում տանտիրոջը սպանած հայաստանցին ցուցմունք է տվել

Поиск
Главная » 2013 » Апрель » 11 » Ծննդյան ու հարսանիքի օրը հարևանները կրակել ու դանակահարել էին միմյանց
23:34
Ծննդյան ու հարսանիքի օրը հարևանները կրակել ու դանակահարել էին միմյանց
Վերաքննիչ քրեական դատարանի վարույթում է Բարիկ Ղազարյանի և Պողոս Պողոսյանի գործով բերված վերաքննիչ բողոքի քննությունը:

Կոտայքի մարզի ընդհանուր իրավասության դատարանը Մեսրոպ Մակյանի նախագահությամբ 2013 թվականի հունվարի 15-ի դատավճռով մեղավոր է ճանաչել 39-ամյա Բարիկ Ղազարյանին և 46-ամյա Պողոս Պողոսյանին:

Ամբաստանյալները Եղվարդի նույն՝ Նար-Դոսի փողոցում են ապրում: Թիվ 11 և 12 տներում: Մոտ հարևաններ են: Տվյալ քրեական գործով Բարիկ Ղազարյանը ոչ միայն ամբաստանյալ է, այլև միաժամանակ՝ տուժող: 

Ղազարյանի ու Պողոսյանի դեպքում «Մոտ հարևանը հեռու բարեկամից լավ է» ասացվածքը չի գործել, քանզի միմյանց նկատմամբ հանցավոր գործողություններ են կատարել իրենց կյանքում շատ ուրախալի մի օր՝ 2011 թվականի սեպտեմբերի 23-ին: 

Այդ օրը Բարիկ Ղազարյանի հարսանիքն էր, իսկ Պողոս Պողոսյանի տանը նշվում էր երեքամյա որդու՝ չորս երեխաներից կրտսերի տարեդարձը: 

Ուրիշ էլ ո՞ր օրը պիտի միմյանց նկատմամբ ներողամիտ ու ըմբռնող լինեին հարևանները, շնորհավորեին միմյանց և ուրախանային մեկմեկու ուրախությամբ: 

Բայց ուրախության օրը նրանք մթագնել են երկուստեք անհանդուրժողական ու անզիջում պահվածքի պատճառով:

Ըստ դատավճռի՝ հիշատակված օրը Բարիկ Ղազարյանը նեղ ընտանեկան շրջապատում, Ջրվեժի հարսանյաց տներից մեկում նշել է իր ամուսնության օրը և ժամը 23-ի սահմաններում իր «Մերսեդես» մեքենայով կնոջ, հոր ու եղբոր հետ վերադարձել է տուն՝ Եղվարդի Նար-Դոսի փողոց: 

Տան մոտ հարազատներն իջել են մեքենայից, իսկ Բարիկը մեքենան վարել է փողոցի փակուղու վերջնամաս՝ շրջադարձ կատարելու համար:

Նույն այդ օրը նույն այդ փողոցի բնակիչ Պողոս Պողոսյանի տանը նշվում էր երեքամյա որդու ծնունդը: Հյուրերի մեքենաներն այնպես էին կանգնած, որ Բարիկի մեքենան արագ շրջադարձ կատարել չի կարողացել: Մարդ է՞լ իր հարսանիքի օրը չկարողանա շրջադարձ կատարել: 

Բարիկը Պողոսյանի տան մոտ կանգնածներին կոպիտ դիտողություն է արել, ըստ դատավճռի՝ մինչև անգամ հայհոյել է: 

Կանգնած տղամարդիկ էլ, փոխանակ մարդուն շնորհավորեին հարսանյաց օրվա առթիվ, երջանկություն մաղթեին, հանգստացնեին, դիտողությանն ու հայհոյանքին համարժեք պատասխաններ են տվել: Կարելի է ասել՝ բենզին են լցրել կրակին: 

Վիճաբանությունը արագ վերաճել է կռվի: Տներից դուրս են թափվել ուրախության սեղաններից նոր վեր կացած մարդիկ: 

Միջամտողների մեջ էին մի կողմից՝ նորահարսը, նորափեսայի հայրն ու եղբայրը, մյուս կողմից՝ Պողոս Պողոսյանի ընտանիքի անդամ տղամարդիկ ու կանայք, մերձավոր հարազատներ, երեխաներ, միգուցե նաև՝ օրվա երեքամյա հերոսը:

Ըստ դատավճռի՝ Բարիկ Ղազարյանը այս բոլոր մարդկանց ներկայությամբ, կոպիտ կերպով խախտելով հասարակական կարգը, դիտավորությամբ բացահայտ անհարգալից վերաբերմունք դրսևորելով հավաքված կանանց ու երեխաների հանդեպ, շարունակել է հայհոյել, ապա իր մեքենայից վերցրել է ապօրինի ձեռք բերված ու պահվող «Նագան» տեսակի ատրճանակը, շարունակելով խուլիգանական գործողությունները, երեք անգամ օդ է կրակել, մեկ անգամ էլ կրակել է Անդրանիկ Պողոսյանի ուղղությամբ ու նրա առողջությանը պատճառել միջին վնաս՝ առողջության տևական քայքայումով:

Դրանից հետո Պողոս Պողոսյանը իր մոտ եղած ծալովի դանակով հարվածել է Բարիկ Ղազարյանին ու նրա եղբայր Հակոբին՝ նրանց առողջությանը պատճառելով միջին վնաս՝ առողջության տևական քայքայումով: 

Առաջացած զանգվածային ծեծկռտուքի ընթացքում մասնակիցներին բաժանելու գործողություն կատարող նորահարսը ստացել է թեթև վնասվածքի հատկանիշներ չպարունակող մարմնական վնասվածքներ, Հակոբ Ղազարյանը բռունցքով հարվածել է Պողոս Պողոսյանի զոքանչ Սուսանի դեմքին ու թեթև մարմնական վնասվածք պատճառել՝ առողջության կարճատև քայքայումով: Պողոսյանների կողմից Բարիկ Ղազարյանին հարվածներ են հասցվել ու նրան պատճառվել են թեթև մարմնական վնասվածքներ:

Մի կողմից՝ հարսանիքի, մյուս կողմից՝ երեխայի ծննդյան օրվա այս բուռն «տոնակատարությունից» հետո՝ 2011 թվականի սեպտեմբերի 24-ին, ոստիկանության Նաիրիի քննչական բաժանմունքի կողմից հարուցվել է քրեական գործ:

Մեր համեստ ու տաղանդավոր գրող Նար-Դոսը իր անունը կրող փողոցում մարդկային այսպիսի փոխհարաբերությունների մասին մի նոր «Մեր թաղը» կգրեր, միգուցե, իսկ իրավապահ մարմինները գրել են իրենց կատարած քննության նյութերը, եկել են համապատասխան եզրակացությունների: 

Թեթև մարմնական վնասվածքներ պատճառողների վերաբերյալ քրեական հետապնդում չի իրականցվել կողմերի՝ ուշացումով հանդես բերված հաշտության ու բողոքների բացակայության հիմքով: 

Ամբաստանյալի աթոռին նստել են Բարիկ Ղազարյանն ու Պողոս Պողոսյանը:

Ապօրինի զենք ձեռք բերելու և կրելու համար Բարիկ Ղազարյանն իրեն լիովին մեղավոր է ճանաչել, իսկ զենքի գործադրմամբ կատարված խուլիգանության համար մեղքը չի ընդունել:

Նա ներկայացրել է, որ մեքենաները վատ կայանելու համար ինքը պատշաճ դիտողություն է արել, բայց Պողոսյանի տան մոտ կանգնածներից մեկն ասել է. «Դու ո՞վ ես, որ դիտողություն ես անում»: 

Ղազարյանը մեքենայից իջել է, որ բացատրի, թե ինքն ով է: Ըստ նրա՝ նկատել է, որ տանը «ինչ-որ առիթ կա», առաջարկել է առավոտյան հանդիպել ու զրուցել, բայց նրա հետ շարունակել են տաքացած խոսել: 

Մոտեցել է եղբայրը, ներքաշվել խոսակցության մեջ: Ինքը փորձել է հանդարտեցնել, բայց խոսակցությունը թեժացել է, մեկը հարվածել է իրեն, սկսվել է երկկողմանի ծեծկռտուք: 

Պողոսենց տանից այլ անձինք են դուրս եկել, այդ թվում՝ կանայք, իրենց տնից դուրս են եկել հայրն ու կինը: 

Պողոսյանի տնից դուրս եկած բազմաթիվ մարդիկ սկսել են անողոք կերպով ծեծել իրեն, եղբորն ու կնոջը: Հասկանալով, որ իրենց ծեծողներն անհամեմատ շատ են, եղբայրն անշարժ ընկած է գետնին, իսկ իրեն ծեծում են պատին հենած, մի կերպ դուրս է պրծել, մեքենայի միջից վերցրել ատրճանակը, օդ կրակել՝ հակառակ կողմի մարդկանց վախեցնելու համար: 

Մինչ այդ, զգացել է, որ ազդրի, հետույքի, ոտքի շրջաններում ունի սուր ցավեր, գլխից էլ արյուն է հոսում: Կռիվը դադարեցնելու համար ցանկացել է մեկ անգամ էլ կրակել, բայց այդ պահին ինչ-որ մեկը ձեռքից քաշել է, կրակոցը հնչել է, մեկը գոռացել է, թե Անդոյին խփեցին: Դրանից հետ բոլորը մի կողմ են քաշվել: Ինքը եղբորը բարձրացրել է գետնից ու տուն է տարել: Նրա երիկամի հատվածում դանակի հարվածի տեղ է եղել: Կինը որովայնի ցավից գալարվել է:

Քիչ անց ոստիկանները եկել են ու իրենց տարել ոստիկանություն:

Բարիկ Ղազարյանն ասել է, որ խուլիգանություն անելու դիտավորություն չի ունեցել, նման կերպ է վարվել, որովհետև Պողոսյանի տան հյուրերը դաժանաբար ծեծի են ենթարկել իրենց: 

Ինչ վերաբերում է զենքին, ապա, ըստ Ղազարյանի, ինքն այն ձեռք է բերել 1990 թվականին, նախկինում երբեք չի գործադրել: Հենց այդ օրը մտադիր է եղել զենքը հանձնել իրավապահներին, որ տուն ոտք դրած նորահարսը զենք չտեսնի իր տանը: Բայց օրը հագեցած է եղել, չի հասցրել զենքը կամովին հանձնել իրավապահներին:

Իր վերջին խոսքում ամբաստանյալը խնդրել է արարքին ճիշտ որակում տալ, հաշվի առնել, որ իր խնամքին են մանկահասակ՝ 2012 թվականին ծնված երեխան ու ծեր հայրը:

Պողոս Պողոսյանն իրեն լիովին մեղավոր է ճանաչել: Նա ներկայացրել է, որ դանակով հարվածները հասցրել է այն բանից հետո, երբ հնչել են կրակոցները, ու իր եղբորորդի Անդրանիկը վիրավորվել է: 

Պողոսյանը պատճառաբանել է, թե ցանկացել է դանակով վախեցնել իրենց հետ կռվողներին, իսկ դանակը գրպանում է մնացել խոհանոցում գործ անելուց հետո: 

Հակոբին անգիտակցաբար է հարվածել դանակով, երբ նա կանգնել է Բարիկի դիմաց: 

Պողոսյանը պնդել է, թե Բարիկը չորս կրակոց է արձակել, երկուսը՝ օդ, երկուսը՝ Անդրանիկի ուղղությամբ: Ատրճանակը Բարիկի ձեռքից խլել է նրա հայրը:

Ըստ կռվի մասնակիցների՝ տարածքը լուսավորված չի եղել, կռվողները միմյանց հարվածել են ոտքերով ու ձեռքերով:

Բարիկ Ղազարյանը մեղավոր է ճանաչվել զենքի գործադրմամբ խուլիգանության և ապօրինի զենք կրելու համար ու վերջին հաշվով դատապարտվել է 5 տարի 6 ամիս ազատազրկման: Պատժի սկիզբը կհաշվվի նրան փաստացի արգելանքի տակ վերցնելու օրից: 

Բարիկ և Հակոբ Ղազարյաններին դանակով միջին ծանրության վնասվածքներ պատճառելու համար մեղավոր ճանաչված Պողոս Պողոսյանը դատապարտվել է 2 տարի ազատազրկման, նրա նկատմամբ պայմանական դատապարտություն է կիրառվել ու սահմանվել 1 տարի փորձաշրջան:

Դատավճիռը բողոքարկել է Բարիկ Ղազարյանը: 

Նա խնդրել է վերաորակել խուլիգանության մեղադրանքը, կամ նշանակել նվազագույն պատիժ ու կիրառել պայմանական դատապարտություն՝ սահմանելով համապատասխան փորձաշրջան:

Այսօր դատական նիստը հետաձգվեց, որպեսզի նոր ներգրավված պաշտպանը ծանոթանա գործի նյութերին:

1in.am

Просмотров: 607 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2026