«ՀԵՀ-ի՝ որպես ՀՀ Նախագահի կողմից ընտրված գործընկեր կազմակերպության կողմից իրականացվող դրամաշնորհային մրցույթ» ծրագրի շրջանակներում նոյեմբերի 21-ին «Նովոստի Ամենիա» մամուլի ակումբում կազմակերպվեց «Ծխախոտի ազդեցությունը վերարտադրողականության և հղիության ընթացքի վրա» թեմայով քննարկումը:

«Մոր և մանկան առողջության պահպանման» գիտահետազոտական կենտրոնի ավագ գիտաշխատող Մերի Թադևոսյանը խոսեց ծխելու բացասական ազդեցության մասին հղիության ընթացքի և պտղի առողջության վրա ու շեշտեց. «Հնարավոր գործոններից մեկը, որը կարող է ազդել փողերի անանցանելիության վրա, ծխախոտն է: Ծխելը հիմնականում ազդում է նաև արգանդի լորձաթաղանթի վրա»:

Տիկին Թադևոսյանը ուշադրություն հրավիրեց այն հանգամանքին, որ նիկոտինի բացասական ազդեցությունը հնարավոր է պտղի վարքի և առողջության հարցում միանգամից երևան չգա, ու մանրամասնեց. «Մենք չգիտենք, թե ինչպես է հետագայում երեխան իրեն պահում դպրոցում, ինչպիսի ընկալունակություն ունի վիրուսների նկատմամբ, բայց նիկոտինի ազդեցությունը միանշանակ բասացական է»: Փորձագետը նշեց, որ այս առումով իրավիճակը Հայաստանում ծայրահեղ բարդ չէ` պայմանավորված ընտանիքի ամուր համակարգի առկայությամբ և շարունակեց. «ՀՀ-ում գոյություն ունեցողը չափազանց լավ իրավիճակ է, քան որևէ այլ երկրում: Դա շնորհիվ հայ ընտանիքի: Մեզ մոտ գործող ընտանեկան համակարգը զերծ է պահում այդ բոլոր խնդիրներից»:

Տիկին Թադևոսյանը փաստեց, որ անելիքներ կան ծխելու բացասական ազդեցության վերաբերյալ ճիշտ ուղղորդված քաղաքականության իրականացման հարցում, և կարևորեց նման ծրագրերի իրականացումը. «Եթե ամեն մեկն իր տեղում իր հնարավորությունների շրջանակներում դա կազմակերպի, խնդիր չի առաջանա»: