Ոչ ոքի համար գաղտնիք չէ, որ ծխելուց դժվար է հրաժարվել:
Չնայած որ շատ ծխողներ նշում են, որ իրենք կցանկանային
ազատվել այդ կախվածությունից, ոչ բոլորը բավականին կամքի ուժ
և համառություն ունեն: Ավելին, շատ հազվադեպ է ստացվում
առաջին անգամից թողնել ծխելը: Բրիտանիայում անցկացված
ուսումնասիրության արդյունքում հայտնի է դարձել, որ այդ
վնասակար սովորությունից ազատվել փորձող միջին ծխողը չորս
անհաջող փորձ է անում, և միայն հինգերորդ անգամ է ստացվում
թողնել ծխելը:
Հատկանշական է, որ հարցվածների 20 տոկոսից ավելին
հայտարարել է, որ արդեն կորցրել է ծխելը թողնելու անհաջող
փորձերի հաշիվը, այդ պատճառով էլ շարունակում է ծխել:
2010 ծխողների շրջանում կատարված հարցումները ցույց են տվել, որ տասից մեկը հուսահատ պայքար է
մղում ծխելու դեմ, և որ այդ փորձերի թիվը 4-21 է կազմում: Պաշտոնական տվյալների համաձայն՝
Բրիտանիայում, օրինակ, ծխելուց տարեկան 100 000 մարդ է մահանում:
Հետաքրքիր է, որ մարդիկ ծխելը թողնում են ոչ թե իրենց առողջության մասին մտածելով, այլ ֆինանսական
նկատառումներով: