Մեծ Բրիտանիայի Նոթինգեմի Համալսարանի մասնագետ Կարու Կիկուչին համացանցի միջոցով չինարեն սովորելու համար ուշագրավ տարբերակ է հղացել, տեղակացնում է orange.co.uk կայքը։

«Միրոր» կոչվող նախագիծը իրենից ներկայացնում էSexyMandarin.com կայքը, որի այցելուներն անդամագրվելով հնարավորություն կունենան այսպես կոչված «էրոտիկ» չինարեն սովորելու։

Ինչպես նշել է «Միրոր»-ի հեղինակը՝ կայքում կդասավանդեն կիսամերկ չինուհի մոդելները, որոնք յուրաքանչյուր բառ ասելուց այնպիսի գործողություններ կանեն, որ դժվար թե այցելուն մոռանա տվյալ բառը կամ նախադասությունը։

«Ծրագիրը միտված է չինարենի տարածմանը և ավանդական միջոցներից անհամեմատ ավելի արագ կծանոթացնի լեզվին»,- ասել է Կիկուչին։