Գրեթե բոլորը գիտեն, թե ինչ է էրեկցիան կամ սեռական անդամի գրգռումը, սակայն քչերն են ծանոթ "դետումեսցենցիա" տերմինին: 

Դետումեսցենցիան (լատիներեն detumesco՝ դադարել ուռչել) էրեկցիայի կանգն է սերմնաժայթքումից կամ օրգազմից հետո: Օրգազմից ու սերմնաժայթքումից մի քանի վայրկյան կամ մի քանի րոպե անց տղամարդկանց սեռական անդամը թուլանում է, կորցնում է առաձգականությունը, ինչն անհնար է դարձնում սեռական ակտի շարունակումը,-փոխանցում է doctors.am-ը: 

Տղամարդկանց մի մասի մոտ, հատկապես երիտասարդների մոտ, ովքեր գտնվում են սեռական գրգռվածության վիճակում, դետումեսցենցիան կարող է ավելի ուշ առաջանալ (10-20 րեպե անց), որը հնարավորություն է տալիս շարունակել սեռական ակտը: 

Ի տարբերություն տղամարդկանց՝ կանաց մոտ դետումեսցենցիան ավելի ուշ է առաջանում. օրգազմի առկայության դեպքում 10-20 րոպե անց, իսկ դրա բացակայության պարագայում ՝ 30-60 րոպե անց: Պաթոլոգիական դետումեսցենցիան սեռական գրգռվածության վաղաժամ անկումն է, որը կարող է առաջանալ սեռական ակտի բնականոն ընթացքի ցանկացած խանգարման դեպքում: