Դուբայի պերճաշուքությունն այժմ վերաբերում է նաև ոստիկանական մեքենաներին, գրում է The Business Insider-ը: 

Ոստիկանությունը վերջերս թարմացրել է ավտոմեքենաների տեսականին՝ բնավ չմտահոգվելով գնի մասին և ոստիկանական մեքենաների մոդելային գամման համալրելով Lamborghini-ներով, Ferrari-ներվ, Mercedes-Benz-երով և Aston Martin-ներով, և այլ մեքենաներով, որոնցից որոշների արժեքը գերազանցնում է 1 մլն. դոլարը:  

Ինչքանո՞վ են օգտակար այս ավտոմեքենաները գործնական կիրառման տեսակետից. չէ՞ որ հիմնականում երկտեղանի սպորտային այս կուպեներում նույնիսկ ձերբակալվածի համար տեղ չկա: Սակայն ոստիկանությունը պնդում է, որ դրանք նպաստում են «վերահսկման արդյունավետության խթանմանը»:

Այդ դեպքում, առաջին եզրակացությունն այն է, որ դրանք կիրառվում են կայծակնային արագությամբ սլացող հանցագործներին հետապնդելու համար: Սակայն Դուբայի ոստիկանապետ Մարիամ Ալ Քաաբին նշում է, որ ոստիկանները երբևէ ճանապարհներին արագությունը չեն գերազանցել: 

Թանկարժեք գնումների պատճառը պարզ է՝ ոստիկանապետը բազմիցս Twitter-ի իր էջում նշել է, որ «ուլտրա-թանկ մեքենաները քաղաքացիների համար բարձրակարգ ծառայության և վերաբերմունքի արտահայտումն են»:
 

Ամենատպավորիչ ավտոմեքենան այս ցանկում Aston Martin One-77-ն է: Աղբյուրն այն համարում է լյուքս դասում երբևէ թողարկված լավագույն ավտոմեքենան, որի գինը մոտ 1.79 մլն դոլար է: 

Առավել հաջողակ ոստիկաններին բաժին է ընկնում այս Bentley Continental GT-ն: 2013թ. արտադրության մոդելն արժե 175 000 - 215 000 դոլար:

Lamborghini Aventador-ն ապրիլին է մուտք գործել ոստիկանություն: Ոստիկանության պետի խոսքով՝ նպատակը Դուբայի պերճաշուքությունն առավել ընդգծելն է: 

Chevy Camaro SS-ը ուժային գերատեսչության ամենաթարմ ձեռքբերումն է: 6.2 լ աշխատանքային ծավալով V8 շարժիչն ապահովում է 426 ձիաուժ, որի հետ չեն կարող մրցակցել  նույնիսկ այս ցանկի շատ մեքենաներ: 

Կարմիր բարձրակարգ կաշին հիմնականում ամենաշատն է դուր գալիս ոստիկաններին:

Ferrari FF-ն ունի 2 դուռ, 4 նստատեղ և 350 կմ/ժ արագություն զարգացնող V12 շարժիչ: Այն, սակայն, նախատեսված է միմիայն իգական սեռի իրավապահների համար: 

Mercedes-Benz SLS AMG-ն կարող է տեղափոխել ընդամենը 2 ուղևոր, սակայն 0-100 կմ/ժ արագության այն հասնում է 4 վայրկյանում:

Սուպերմեքենաների կիրառման նպատակներից է նաև հյուրերի վրա տպավորություն թողնելը, ինչը, կարծես թե, ստացվում է: 

Կան նաև ոչ հաջողակ ոստիկաններ, որոնք հայտնվում են այս BMW-ի ղեկին: 

Դուբայում ամեն ոստիկան չէ, որ սուպերմեքենա է վարում. այս Chevy Lumina-ի մասին կարծես թե ասելու բան չկա, կատակում է հոդվածագիրը: