Հետաքրքիր Փաստեր Կիրակի, 16.11.2025, 00:07
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Թոմ Քրուզը և Քեթի Հոլմսը բաժանվում են

Թոմ Կրուզը ցանկանում է “փրկել” իր վարկանիշը` խուսափելով աղմուկից

''ՈւԱԶ''-ը 10 ուղևորով գլորվել է ձորակը

Դստերը գտնելուց 10 օր հետո մայրը մահացել է

[Անիմացիա]
Սեղմիր Класс

Հարբած կինը 5 հոգու մահացու վրաերթի է ենթարկել (ֆոտո)

[Անիմացիա]
У вас это случилось?

Ռոբերտո Կառլոսից վեց ավտոմեքենա է առգրավվել

8 տարվա ազատազրկում՝ երիկամային թրաֆիքինգի համար

Ինչպե՞ս կարող են արևայրուք ընդունել հղիները

Սեքս` ամուսնությունից առաջ. հրաժարվելու պատճառները

10-ամյա աղջիկն անհետացել է. ավելի քան 700 մարդ նրան է փնտրում (ֆոտո)

Ինտիմ հատվածում դաջվածքը լուրջ բնույթ է կրում

24-ամյա երիտասարդին կիսակառույցում կախված են գտել

Թեթև ապրելու 10 գրավական

Երգիչ Կարեն Հակոբյանի փաստաբանը հերքում է, թե սպանությունը կատարվել է խանդի հողի վրա

[Անիմացիա]
Кинула меня...

Նույն երգիչներն են եթերում, նույն աղբը, նույն 6/8-ը. Արփինե Բեկջանյան

Ի՞նչ արժե հանգիստը Հայաստանում, որո՞նք են ամենապահանջված հանգստավայրերը

Поиск
Главная » 2012 » Октябрь » 17 » «Դուբայում Անին ծեծում էր, վախացնում տապոռով»
23:22
«Դուբայում Անին ծեծում էր, վախացնում տապոռով»
Էրեբունի և Նուբարաշեն վարչական շրջանների ընդհանուր իրավասության դատարանում Արտուշ Գաբրիելյանի նախագահությամբ այսօր շարունակվում էր թրաֆիքինգի համար մեղադրվող Արմենուհի Պողոսյանի գործի դատաքննությունը:

Ըստ մեղադրանքի՝ Պողոսյանն իր քույրերի՝ ԱՄԷ-ում բնակվող Արմանուշ Թադևոսյանի և Հայաստանում բնակվող Հայկանուշ Հովհաննիսյանի հետ 2007-2008 թվականներին խաբեությամբ կանանց Հայաստանից Դուբայ էր կանչել ու ենթարկել սեռական շահագործման:

Այսօր Ստեփանավանից եկել ու դատարան էր ներկայացել տուժող Սուսաննան` իր քրոջ և մոր հետ: Սուսաննան, մինչև Արմենուհի Պողոսյանի խմբի կողմից հավաքագրվելը, մեկ անգամ արդեն ուրիշ խմբի կողմից հավաքագրվել և ուղարկվել էր Դուբայ: Ընդ որում՝ այդ գործի դատաքննությունն էլ այս օրերին ընթանում է Կենտրոն և Նորք-Մարաշ վարչական շրջանների ընդհանուր իրավասության դատարանում: Սուսաննան այնտեղ ևս տուժող է:

Երկու անգամ թրաֆիքինգի ենթարկվելով՝ Սուսաննան հիվանդացել էր, հոգեկան խնդիրներ ունեցել: Սկզբում բուժում էր ստացել Դուբայում, ապա, Հայաստան վերադառնալով` Վանաձորում:

Այսօր Սուսաննան ասաց, թե մարմնավաճառությամբ Հայաստանում չի զբաղվել, առաջին անգամ Դուբայ տարվելուց հետո է պարտադրված անցել այդ արհեստին: Այն ժամանակ Դուբայում մնացել է տասնհինգ օր: Նրան վերադարձրել են Հայաստան: Հետո Սուսաննային խաբել է մտերիմը՝ Մարգարը, որը ներկայումս հետախուզման մեջ է: Մարգարի հետ Սուսաննան հանդիպում էր Մալաթիայի հյուրանոցներից մեկում:

Սուսաննայի ամուսինը մահացել էր 2006 թվականին: Երեք երեխաներին պահելու համար էր կինը, ըստ իր հայտարարության, վստահել: Առաջին անգամ ասել էին, թե Իսպանիա են տանելու: Տարել էին Դուբայ: «Երբ օդանավակայանում էի, բոլորն ասում էին՝ Դուբայ-Դուբայ: Ես չէի հասկանում՝ Իսպանիայում եմ, թե Դուբայում»: Երկրորդ անգամ Մարգարն աշխատանք էր առաջարկել Քուվեյթում՝ մեքենաների առևտրով զբաղվող ընկերությունում: «Երկու ամսում անգլերեն պիտի սովորեի ու աշխատեի ավտոյի գործ անող ֆիրմայում: Մինչև օդանավակայան գնալը Մարգարն ասում էր՝ կգնաս, երեխեքիդ համար լավ կլինի: Տոմսը նա էր առել: Ես հասկացա, որ երկրորդ անգամ էլ եմ խաբվել ու Դուբայում հայտնվել, երբ արդեն այնտեղ էի: Արդեն գիտեի, որ «էդ գործով» եմ»:

Ամբաստանյալի աթոռին նստած Արմենուհին Դուբայում Անի էր անվանվում: Նրա բնակարանում էին ապրում հավաքագրված կանայք: «Տան վարձը» թանկ էր՝ ամիսը 1500 դոլարին համարժեք: Այդ գումարը հանվում էր «ստրկուհիների» աշխատած փողից:

- Մենակ ինքն էր ըտենց փող կրակում,- ասաց Սուսաննան:

Արմենուհին էլ իր բացատրությունը տվեց.

- Իմ բնակարանը քաղաքի կենտրոնում էր:

- Անին ինձ ծեծում էր, վախացնում տապոռով, ասում էր՝ չենթարկվեք, ձեր պարտքերը չփակվեք, հատուկ մարդիկ կան, ձեզ կտանեն Սահարա ու կսպանեն: Ինքը մի հընգեր ուներ՝ Մուհամեդը, նրանով էր վախացնում: Դուբայում հասկացա, որ Անին ու Մարգարը շուտվա ծանոթներ են: Անին ասում էր՝ եթե աղջկա տեղ ասեք ու կարողանանք տեղափոխել Դուբայ, ամեն աղջկա համար 200 դոլար կտանք: Մարգարն էլ փող է աշխատել՝ ինձ Դուբայ ուղարկելով: Իմ անձնագիրը Անիի մոտ էր, ու ես տեղը չգիտեի, որ վերցնեի, ինքն էլ չէր տալիս, ասում էր՝ օֆիսում է: Մի անգամ փախա, հընգերոջ հետ ինձ գտավ ու հետ բերեց, մի լավ էլ ծեծեց:

Սուսաննան չգիտեր՝ կոնկրետ ինչքան գումար էր աշխատել Դուբայում մեկ տարվա ընթացքում: Ամեն կոնկրետ «կլենտի» հետ գործը վերջացնելուց հետո փողը ամբողջությամբ տալիս էր Անիին:

- Ռամադանին 900 դոլար եմ աշխատել, մյուս օրերին՝ 300-600 դոլար: Անին մեզ փող չէր տալիս, ամեն ամիս երեխաներիս 200 դոլար էր ուղարկում: Մի անգամ կլենտն ասաց՝ ինչի եք փողը բոսին տալիս: Ես քո փողը անձամբ կուղարկեմ քո երեխեքին: Անին իմացավ ու ինձ ծեծեց: Հետո երկու ամիս երեխեքիս փող չէր ուղարկում, ասում էր՝ իմ գլխի վրով թռել ես: Մեր սաղ փողը իրա ձեռին էր:

Դահլիճում նստած ուրիշ տուժողներ կային, որ գոռում էին Անիի հասցեին. «Դրան կախարան ա սպասում, ոչ թե ազատազրկում: Դրան պիտի մորթեն հրապարակում: Մեզ աշխատացրել ու կերել ա»:

Անի-Արմենուհին խիստ զարմացած էր, որ նստած է ամբաստանյալի աթոռին ու արժանանում է այսպիսի բացականչությունների:

- Մարդկանց մեջ նախանձ, խանդ էր առաջացել, և այսօր այս թափթփուկների պատճառով ես այստեղ եմ,- ամբաստանյալը խոսում էր գրական հայերենով:- Իմ տանը ապրել են, ես միայն լավություն եմ արել, իմ վզով էին ընկել, գոնե տան վարձը ժամանակին չէին վճարում, ինձ կռճոն էին տալիս: Ոնց չես ամաչում, խրոնիկ տուժող ես դարձել, բերդերը լցրել ես, տասնհինգ մարդ է քո ցուցմունքների պատճառով դատվում,- այսպես դիմեց Արմենուհին ցուցմունք տվող Սուսաննային:

- Ես չեմ ամաչում, դու էլ սուրբ մի ձևանա, իմ աշխատանքն ես կերել...

Սուսաննայի քույրը ևս տուժող էր այս գործով. նրան առաջարկել էին Դուբայ մեկնել, լավ խոստումներ էին տվել, բայց նա չէր խաբվել ու չէր մեկնել: Հեռախոսային խոսակցությունների ժամանակ Սուսաննան էլ ասել էր՝ հանկարծ չգաս, պլեն կընկնես:

- Ես ոչ մի մտադրություն չունեի Դուբայ գնալու, ինչ ուզում էին՝ խոստանային: Աշխատանք էլ ունեմ, լավաշի փռում եմ աշխատում:

Աղջիկների մայրը հանդարտ, զուսպ խոսող կին էր: Ասաց, թե Սուսաննան երկու անգամ էլ աշխատել ու մեկնել է առանց խորհրդակցելու: Նա հետո էլ շատ բան չի պատմել մորը՝ խնայելով նրա հիվանդ սիրտը: «Բայց էս երկու տարի է՝ դատարանների դռներին ենք, արդեն որոշ բաներ գիտեմ»,- ընկճված ասաց մայրը:

Երբ նիստի ավարտին նախագահողը քարտուղարուհուն շշուկով հարցրեց՝ Մարիամն ուր է՝ ըստ երևույթին դատարանի աշխատակցուհիներից մեկին նկատի ունենալով, ամբաստանյալ Արմենուհին խիստ անհանգստացած դիմեց իր շահերի պաշտպանին.

- Բայց մեր գործով Մարիամ անունով տուժող չկա...
Просмотров: 595 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2025