Ինչպես արդեն գիտենք, մայիսի 5-ին կկայանա Երևանի ավագանու ընտրությունները: Կուսակցությունների ցուցակների գրանցման վերջնաժամկետն արդեն ավարտված է և հասարակությունը հնարավորություն ունի ծանոթանալ ցուցակներում ընդգրկված անունների հետ: Slaq.am-ին ևս հետաքրքրեց կուսակցությունների կողմից ներկայացված անձանց անունները, որոնց թվում էին նաև հայտնի անուններ: Այսպիսով ամենաշատ հայտնի անուների հանդիպեցինք ՀՀԿ-ի ցուցակում:

Արա Երնջակյան-Երևանի պետական Կամերային թատրոնի գեղարվեստական ղեկավար: ՀՀԿ-ի ցուցակի 7-րդ համարն է Հանրապետական կուսակցության անդամ է: Հետաքրքրիր է, որ վերջերս Slaq.am-ը ներքաղաքական իրադարձությունների հետ կապված փորձեց իմանալ վերջինիս կարծիքը, սակայն ի պատասխան ստացանք, որ քաղաքական հարցերով նրան չդիմենք: Երևանի ավագանի լինելը իհարկե քաղաքականության մեջ լինել չէ, սակայն նա ՀՀԿ կուսակցության անդամ է: Մեկնաբանությունները թողնում ենք ընթերցողի դատին:

Մարտին Վարդազարյան- Երևանի Կոմիտասի անվան պետական կոնսերվատորիայի պրոֆեսոր, Հանրային ռադիո և հեռուստատեսությանէստրադային սիմֆոնիկ նվագախմբի դիրիժոր: Անկուսակցական: ՀՀԿ ցուցակի 8-րդ համար:

Հրանտ Թոխատյան- «Շարմ հոլդինգ»-ի տնօրեն: Անկուսակցական: ՀՀԿ ցուցակի 14- րդ համարն է:

Միքայել Դովլաթյան- «Հայաստանի ազգային կինոկենտրոն» ՊՈԱԿ-ի կինոռեժիսոր, «Վայրի բնության և մշակութային արժեքների պահպանման» հիմնադրամի կինոռեժիսոր, ՀՀ կինոմոտոգրաֆիստների միության քարտուղար, վարչության անդամ, Երևանի ավագանու անդամ: Անկուսակցական: ՀՀԿ ցուցակի 15-րդ համարն է:

Ղազարյան Մարիամ - «Հ. Պարոնյանի անվ. երաժշտական կոմեդիայի պետական թատրոն»-ի դերասանուհի, ՀՀ վաստակավոր արտիստ, Երևանի ավագանու անդամ: Անկուսակցական: ՀՀԿ ցուցակի 21-րդ համարն է:

«Ժառանգություն» կուսակցության, որն Երևանի ավագանու ընտրություններում ներկայանում է Բարև Երևան անունով, ներկայացված ցուցակում հայտնի մարդիկ ևս զբաղեցնում են առաջնային համարներ: Այսպես օրինակ`

Իսպիրյան Արթուր -Երաժիշտ-արվեստագետ: Անկուսակցական «Ժառանգություն» ցուցակի 8-րդ համարն է:

Քոչարյան Անի -«Անի Քոչար փրոդաքշըն» ՍՊԸ, տնօրեն: Անկուսակցական: «Ժառանգություն» ցուցակի 10-րդ համարն է:

Սիմոնյան Ալեն -«Արարատ» ամսագիր, գլխավոր խմբագիր: Անկուսակցական: «Ժառանգություն» ցուցակի 12-րդ համարն է:

ԲՀԿ-ի ցուցակում միակ հայտնին «աստղային առումով» թերևս Ջուլֆալակյան Արսենն է: ԵՊՀ միջազգային հարաբերությունների ֆակուլտետ, ասպիրանտ: Հայ հունահռոմեական ոճի ըմբշամարտիկ:

ՀՅԴ-ի, ՕԵԿ-ի և նորահայտ «Առաքելություն» կուսակցությունում աստղային անուններ չկան: