Երեւանի Զեյթունի սրտաբանական հիվանդանոցի մոտ, սեպտեմբերի 10-ին, կեսօրից հետո, արտառոց դեպք է տեղի ունեցել: Ականատեսը NEWS.am-ին պատմել է, որ մի միջին տարիքի կին երկու պատանիների որոշել է զվարճացնել եւ օրը ցերեկով մերկացել ու ցուցադրել է իր բարեմասնությունները, սակայն զվարճությունն ավարտվել է սկանդալով:

Ականատեսի վկայությամբ՝ նա կեսից սկսել է վիճաբանել իր բարեմասնությունների ցուցադրության հանդիսատես պատանիների հետ: Վիճաբանությունը վերածվել է ծեծկռտուքի, պատանիները քարերով սկսել են հարվածել տիկնոջը, ով գլխին վնասվածքներ է ստացել: Ապա վերջինս որոշել է երեխաներին պատժել ոստիկանններին տեղեկացնելով իր ստացված վնասվածների մասին:

Երբ այս միջադեպի առթիվ հետաքրքրվեցինք ոստիկանությունից, խուսափեցին մանրամասներ նշել:  NEWS.am-ի հետ զրույցում ոստիկանությունում միայն հաստատել են, որ նշված հասցեում նմանատիպ միջադեպ է տեղի ունեցել, քննություն է կատարվում:

Նշենք, որ կնոջը դատաբժշկի ուղեգիր է տրվել:

News.am