Ոստիկանության քննչական գլխավոր վարչության Երևանի քննչական վարչության Շենգավիթի քննչական բաժնի քննիչ Էդգար Դանիելյանի կողմից նյութեր են նախապատրաստվում երեկ՝ հուլիսի 6-ին, Շենգավիթ վարչական շրջանում տեղի ունեցած ինքնասպանության փաստով: Ինչպես հայտնում է ֆոտոլրագրող Գագիկ Շամշյանը, ժամը 12:00-ի սահմաններում քաղաքացիներն ահազանգել են ոստիկանության Շենգավիթի բաժին և հայտնել, որ Սողոմոն Տարոնցի 1 հասցեում գտնվող «Կակաչ» հանրակացարանի շենքում իր բնակարանում հայտնաբերվել է միջանցքում կախված բնակարանատիրոջ՝ 35-ամյա Ա. Ո.-ի դին: Դեպքի վայր ժամանած ոստիկանության Շենգավիթի բաժնի օպերատիվ խումբը քրեական հետախուզության բաժանմունքի պետ Վարդան Մկրտչյանի գլխավորությամբ, ինչպես նաև քննիչ Է. Դանիելյանի գլխավորությամբ նշված տանը հայտնաբերել են կնոջ դին և ցուցակներ, որով պարզվել , որ նա ունի կուտակված պարտքեր, որոնք չի կարողացել մարել: Ֆոտոլրագրողը հայտնում է նաև, որ նա ամուսնացած էր, ուներ 2 երեխա և առավոտյան երեխաներին տարել է Բագրատունյաց պողոտայում գտնվող իր մոր տուն, որից հետո վերադարձել է հանրակացարան:

shamshyan.com