Երեւանի Dalma Garden Mall-ում անցկացվում է Mary Kay ընկերության համաշխարհային անվճար դիմահարդարման ակցիա՝ նվիրված Կանանց միջազգային օրվան եւ Mary Kay ընկերության 50-ամյակին: Այն կտեւի մինչեւ ժամը 22:00-ն: Ակցիային կարող են մասնակցել Երեւանում գտնվող բոլոր կանայք եւ աղջիկները:

Ընկերության նպատակը մեկ օրվա ընթացքում արված make-up-ի թվի համաշխարհային ռեկորդ սահմանելն ու Գինեսի ռեկորդների գրքում ընդգրկվելն է: Դրա համար 5 աշխարհամասերում, բոլոր այն քաղաքներում, որտեղ գործում են Mary Kay-ի գրասենյակներ, մարտի 8-ին նման ակցիաներ են կազմակերպվել: Վերջին տվյալներով, Երեւանում ակցիային մասնակցել է դեռեւս 89 կին, իսկ եվրոպական եւ ամերիկյան երկրների, ինչպես նաեւ ԱՊՀ երկրների քաղաքների մեծ մասի տվյալները կամփոփվեն միայն գիշերը:

Երեւանի բոլոր 4 կետերում, որտեղ ընկերության խորհրդատուները make-up են անում, երկար հերթեր են գոյացել: Անվճար դիմահարդարմանը մասնակցում են 15-ամյա պատանիներից մինչեւ 67-ամյա կանայք:

«Մեր ընկերությունն ավելի լավ, քան մյուսները, հասկանում են, որ մի կինը կարող է բազմաթիվ միջոցներով ոգեշնչել, հարստացնել եւ փոխել կյանքեր: Ընկերության հիմնադիր Մերի Քեյն ինքը անվիճելիորեն ապացուցեց, որ «կինն ամեն ինչ է կարող», իսկ մենք այսօր կփորձենք անել այնպես, որ, չնայած Հայաստանի ոչ այնքան կայուն տնտեսական եւ քաղաքական իրավիճակին, կանայք դառնան ավելի գեղեցիկ ինչպես արտաքուստ, այնպես էլ ներքուստ: Չէ՞ որ եթե վստահ ես քո արտաքինի նկատմամբ, փայլում ես եւ ներդաշնակության մեջ ես ինքդ քեզ հետ»,- NEWS.am STYLE-ի թղթակցին ասաց Mary Kay ընկերության եվրոպական գլխամասային գրասենյակի մենեջեր Մոնիկա Հովերքամփը:

Բացի այդ, այսօր մեկնարկում է նաեւ լավագույն դիմահարդարման մրցույթը, որի մրցանակային ֆոնդը կազմում է 2 մլն դրամ: Դիմահարդարում կատարելով եւ մասնակցելով մրցույթին, մասնակիցը նաեւ հնարավորություն է ստանում օգնել բարեգործական հիմնադրամներին մեկին. գումարի կեսն ուղղվելու է հենց այնտեղ:

«Սա ավելին է, քան դիմահարդարման միջոցով կերպարի փոփոխությունը. սա հասարակության եւ աշխարհի կյանքում իրական փոփոխություններ մտցնելու հնարավորություն է: Մենք ոչ միայն make-up ենք անում, այլեւ ուսուցանում ենք: Դա է մեր տարբերությունը: Մենք բարելավում եւ փոխում ենք կանանց»,- ասում է Mary Kay ընկերության խորհրդատու Անժելիկա Մոմժիյանը:

NEWS.am STYLE