Այսօր առավոտյան ուշագրավ դեպք է տեղի ունեցել Հյուսիսային պողոտայում եւ հարակից տարածքում: NEWS.am-ին ականատեսները պատմել են, որ վաղ առավոտյան ժամը 6-ի սահմաններում երկու երիտասարդ սպիտակ «Նիսան» մեքենայով` բարձր երաժշտությամբ ու բարձր արագությամբ, Հյուսիսային պողոտայով ու հարակից տարածքով վեր ու վար են արել՝ գրավելով մարդկանց ուշադրությունը: Մեր զրուցակիցը պատմեց, որ նկատել է, որ Մաշտոցի պողոտայում նույն մեքենային ճանապարհային ոստիկանները կանգնեցրել են, պարզվել է՝ մեքենայի ղեկին կին է եղել, իսկ կողքի նստածը մի երիտասարդ:

Երբ փորձել են կարգի հրավիրել, վերջիններս սկանդալ են սարքել, չեն ենթարկվել ոստիկաններին, ինչից դրդված նրանց բերման են ենթարկել Ոստիկանության Կենտրոնականի բաժին: Ըստ մեր զրուցակցի ղեկին նստած աղջիկը երգչուհի Լիլուն է եղել:

Այս տեղեկությունը փորձեցինք ճշտել ճանապարհային ոստիկանությունից, սակայն NEWS.am–ի հետ զրույցում անուններ չնշեցին, միայն հաստատեցին, որ նման միջադեպ է գրանցվել, բերման է ենթարկվել բարձր արագությմաբ շրջապտույտներ կատարած վարորդը:

Նյութը՝ News.am-ից