23-ամյա Հասմիկը գեղեցիկ արտաքինով աղջիկ էր, բնակվում էր ծնողների հետ: Տղաների հետ շփումներում միշտ խուսափոխական էր, քանի որ մեկ անգամ արդեն նրա «սիրտը կոտրվել» էր: Սիրելով և նվիրվելով Ալեքսին` նա չէր կարողանում մոռանալ այդ երիտասարդին, ով ինչպես պատահական հայտնվել էր նրա կյանքում, այդպես էլ անհետացել: Հասմիկն օր ու գիշեր տառապում էր, չէր ուզում ոչ ոքի տեսնել, խոսել: Ծնողները վախենում էին նրան միայնակ թողնել, քանի որ երիտասարդ աղջիկն ամեն ինչի պատրաստ էր, նույնիսկ չստացված սիրո համար կյանքով փոխհատուցել:

Այլևս չէր պատկերացնում, թե ով պետք է լինի այն տղամարդը, ով կկարողանա գրավել իր սիրտը: Ճիշտ են ասում, որ ժամանակն ամենազոր է. անցան օրեր, ամիսներ, արդեն տարիներ: Հասմիկն այլևս չէր տառապում, հասկացել էր, որ այլևս ոչինչ չի փոխվի և նրանք էլ երբեք միասին չեն լինի: Խելացի և բարետես արտաքինով աղջկանով շատ երիտասարդներ էին հետաքրքրվում, սակայն ինքը չէր ցանկանում որևէ մեկի հետ նոր հարաբերություններ սկսել, սրտում նույն վախն էլ, իսկ եթե այս անգամ էլ ոչինչ չստացվի,այս անգամ ինքը հաստատ չի դիմանա:

Սոցիալական ցանցի միջոցով Հասմիկը ծանոթացավ մի երիտասարդի` Մարկի հետ, նրանց հանդիպումը երկար սպասեցնել չտվեց, վիրտուալ շփումից նրանք շատ շուտ դուրս եկան: Մարկն առաջին իսկ հայացքից սիրահարվել էր Հասմիկին, ամեն օր ցանկանում էր նրան տեսնել, զրուցել, սակայն Հասմիկը անտարբեր էր և սառը, Մարկի հետ շփվում էր զուտ ընկերական նկատառումներից ելնելով, բայց շատ էր հարգում նրան:

Սակայն նրանց ամենօրյա շփումները բերեցին նրան, որ Հասմիկը աստիճանաբար սկսեց համակրել Մարկին, ինչից հետո նրանց շփումն այլ հարթություն տեղափոխվեց: Օրերի ընթացքում Հասմիկի վերաբերմունքը դեպի Մարկը փոխվում էր, զգում էր, որ չափից շատ է սիրում նրան: Բայց այդ ամենը տեղի էր ունենում գաղտնի, Հասմիկի ծնողները տեղյակ չէին իրենց աղջկա գաղտնի սիրավեպի մասին: Հասմիկը վախենում էր իր և սիրելի գաղտնի շփումներից, սակայն չգիտեր ինչ աներ, Մարկին հասկացնում էր, որ ժամանակն է, որպեսզի իր ծնողների հետ ծանոթանա, սակայն միշտ նույն պատասխանն էր լսում. «Ես դեռ պատրաստ չեմ»:

Այսպես անցնում էին տարիներ, Հասմիկը չգիտեր ինչ անել, գիտակցում էր, որ խաբում է ծնողներին, սակայն չէր էլ ցանկանում կորցնել իր սիրելիին...

Շարունակելի...