Apple կազմակերպության բոլոր արտադրանքները մեծ ժողովրդականություն են վայելում՝ անկախ դրանց ֆունկցիաներից, գնից ու մրցունակությունից: Եկեք պատկերացնենք, ինչ կլիներ, եթե Apple-ը արտադրեր ոչ միայն հեռախոսներ ու պլանշետներ, այլ նաև օծանելիք, պահպանակներ, հեծանիվներ ու մի շարք այլ ապրանքներ:

iWater – այՋուր

Մաքուր: Պարզ: Թաց: Հիանալիորեն գերագնահատված: Եթե Apple-ը արտադրեր ջուր, այն կլիներ մոտավորապես այսպիսին ու կարժենար, երևի, մոտ $30:

Շատ այՖանատներ հաճույքով կսկսեն իրենց օրը մեկ բաժակ այՋրով, որը կարելի է խմել ոչ միայն շշից, այլ նաև այսպիսի այԲաժակներից, որոնք նորաոճ ու գեղեցիկ են և ցույց են տալիս ջրի ջերմաստիճանը:

iPoo Toilet – այԶուգարան

Apple-ի այՋուրը խմելուց հետո կարելի է գնալ հատուկ այԶուգարան: Այն ունի նույն ֆունկցիաները, ինչպես և բոլոր այլ զուգարանները, ու արժե միայն 2 անգամ ավելի թանկ: Բայց այդ գինը հեչ բան է բոլոր նրանց համար, ովքեր գիտեն ինչ է ոճն ու ճաշակը:

iceBox – այՍառնարան

Ցանկության դեպքում կարելի է նաև ինչ-որ բան ուտել՝ Apple-ի հատուկ այՍառնարանից, և պատրաստվել օրվա մարտահրավերներին:

iSmell – այՀոտ

Տանից դուրս գալուց առաջ պետք է անպայման օգտագործել Apple-ի նոր այՕծանելիքը (այՀոտը)՝ որն ունի յուրահատուկ և ճանաչելի բուրմունք:

iSight – այԱկնոց

Ապա կարելի է հագնվել, դնել հատուկ այԱկնոցը, որը թույլ կտա տեսնել աշխարհը ավելի գեղեցիկ գույներով ու 1080 պիքսել Full HD կետայնությամբ:

iCondom – այՊահպանակ

Եթե ժամադրության եք գնում, չմոռանաք վերցնել այՊահպանակներ:

Դրանք ստեղծված են հաջողակ մարդկանց համար, արժեն ընդամենը մի քանի անգամ ավելի թանկ, քան այլ պահպանակները (ընդամենը $50), և հնարավորություն են տալիս նաև երաժշտություն լսել:

iRock -այՔար

Ձեր սիրելիին կարող եք նվիրել Apple-ի այս այՔարը, որնը առանձնապես ոչ մի կիրառություն չունի, բայց բոլոր այՖանատների մոտ դրական էմոցիաներ է առաջացում միայն իր գոյության փաստի շնորհիվ:

ԱյՔարի համար կարելի է նաև գնել հատուկ աքսեսուարներ՝ շապիկ, դոք ու մաքրելու հեղուկ:

iRock Pro – այՔար Պրո

Apple-ի այՔարի նորացված տարբերակը կոչվում է այՔար Պրո: Այն 33% ավելի բարակ է և ունի հատուկ հակամամուռային տեխնոլոգիա: Ի դեպ, այն կարելի է դնել թղթերի վրա, որպեսզի քամին չտանի դրանք:

iBangle – այԱպարանջան

Քանի որ այՔարը շատ թանկարժեք իր է, ավելի լավ է այն թողնել սեփական օգտագործման համար, իսկ ընկերներին կամ սիրելիներին նվիրել այսպիսի այԱպարանջան, որը ունի փոփոխական չափսեր ու կհամապատասխանի նույնիսկ շատ հաստ կամ շատ բարակ ձեռքերին:

iRing – այՄատանի

Apple-ի այՄատանին նույնպես շատ լավ նվեր կարող է լինել՝ գեղեցիկ և օգտակար:

iMacarov – այՄակարով

Պաշտպանեք Ձեր այՖոնը և բոլոր այլ այԱպրանքները նոր այՄակարով ատրճանակի օգնությամբ: Այն շատ գեղեցիկ է և նորաոճ:

iCycle – այՀեծանիվ

Ժամադրության կարող եք գնալ այՀեծանիվով, որը կօգնի տպավորել ոչ միայն Ձեր սիրելիին, այլ նաև բոլոր պատահական անցորդներին:

iCar – այՄեքենա

Եթե ունեք մի քանի ավելորդ միլլիոն, կարող եք այՀեծանիվի փոխարեն գնել այՄեքենա, որը հավանաբար կլինի այսպիսին.

Կամ էլ այսպիսին.

iPets – այԿենդանիներ

Եվ վերջապես, բոլոր այՖանատները կարող են պահել այԿենդանիներ, որոնք զվարճալի են, սիրում են Ձեզ ու, ամենակարևորը, մազ չեն թողնում:

Apple-ը, իհարկե, չի արտադրել վերը նշված ապրանքներից ոչ մեկը… ԴԵՌ չի արտադրել: Առայժմ դրանք միայն կոնցեպտներ են: Սակայն մենք համոզված ենք, որ եթե Apple-ը արտադրի դրանցից ինչ-որ մեկը, ողջ աշխարհի այՖանատները պատրաստակամորեն կգնեն այն, ինչպես այս կոմիքսում.