Սոցիալական ցանցերի օգտատերերն ու բլոգերները այսօր սկսել են ակտիվորեն պնդել այն միտքը, որ Արսեն Սաֆարյանի «Պարոնայք սպաներ» երգի տեսահոլովակի ադրբեջանական «գրոհումները» մտացածին են և արվում են միայն երգչի PR-ի համար:

Այս ամենի վերաբերյալ TESADASHT.am-ի թղթակցի հետ զրույցում երգիչը նշեց, որ ամեն ինչ սկսվել է տեսահոլովակի հասցեին ադրբեջանական «վատ» մեկնաբանությամբ, որին լուրջ չվերաբերվելով՝ պարզապես հեռացրել են այն:

«Հաջորդ առավոտ 4 dislike-ը դարձել էր 550 dislike ու շարունակում էր աճել:

Գործընկերս որոշեց օգնել և հաղորդագրություն տարածեց. «Օգնեք հավաքել անհրաժեշտ like-երի քանակ, որպեսզի youtube.com- ը չհեռացնի տեսահոլովակը»:

Կարծում եմ, որ Արսեն Սաֆարյանն այդքան մակերեսային մարդ կամ սկսնակ երգիչ չէ, որ այդպիսի թեմայով PR անի: Եթե ես դրանով PR եմ արել ուրեմն 15 տարի իզուր եմ երգել»,- նշեց երգիչը:

Նա ընդգծեց, որ պատահական չէ, որ մնացած երգերը այդքան dislike չեն հավաքում: «Ի՞նչ եք կարծում, դա մենք ենք անու՟մ, եթե մենք ենք անում, եթե այդ dislike-երի հեղինակը հայեր են ուրեմն մենք կործանված ազգ ենք, որ մեր սպաներին գովաբանող տեսահոլովակով կարող ենք PR անել»,- նշեց երգիչը: Ըստ նրա՝ ծիծաղելի է, որ շատերի կարծիքով՝ ինքը PR է անում, սակայն առանց իմ կամքի, այնուամենայնիվ, PR լինում է:

Վերջում երգիչը շնորհակալություն հայտնեց բոլոր այն մարդկանց, ովքեր like-ել կամ առհասարակ առձագանքել է այդ երևույթին: