Ֆրանսիայի ազգային տոնը Երևանում նշվեց յուրօրինակ համերգով։ Հուլիսի 14-ի երեկոյան Սիրահարների այգում համերգային ծրագրով հանդես եկավ Ֆրանսիայի նախկին նախագահ Նիկոլա Սարկոզիի որդին՝ Պիեռը, նույն ինքը DJ MOSEY-ն։

Քաղաքական գործիչ հայրը ոգևորված չէր որդու երաժշտական կարիերայով, սակայն նախագահի որդի լինելու փաստը չխանգարեց, որպեսզի Պիեռը հաստատուն քայլերով առաջ գնար շոու-բիզնեսի աշխարհում։ Այսօր արդեն Պիեռ Սարկոզին համաշխարհային ճանաչում ունի. նա ամենասպասված DJ-ներից է։ DJ MOSEY-ն ներկայանում է House, Electro, French House, Nu Disco, Soul, Hip Hop, RnB ոճերով, նաև երաժշտական պրոդյուսեր է։

Պիեռ Սարկոզին առաջին անգամ էր Հայաստանում, և ինչպես ինքն է ասում, հրաշալի տպավորություններ է ստացել մեր երկրից։ ''Ես շատ հայ ընկերներ ունեմ։ Ֆրանսիայի համայնքը մեծ է, և նրանք բոլորն էլ հրաշալի մարդիկ են'',- ասել է Պիեռը։

mamul.am