Ինչո՞ւ որոշ կանայք պարզապես ի վիճակի չեն գաղտնիքներ պահել: Պարզվում է` ամբողջ խնդիրը նրանում է, որ գաղտնիքներն ավելի են դժվարացնում մարդու կյանքը:

Թաֆտսի համալսարանի գիտնականները պարզել են նաև, որ գաղտնիքներն ուժեղացնում են մարդու էմոցիոնալ ծանրաբեռնվածությունը, որն էլ ազդում է ֆիզիկական վիճակի վրա:

Այս եզրակացությունները հաստատվել են գիտական փորձերի ընթացքում: Կամավորներին բաժանել են երկու խմբի. մի մասին խնդրել են հիշել որևէ կարևոր գաղտնիք, իսկ մյուսներին` ավելի քիչ կարևոր: Բոլորին խնդրել են կատարել միևնույն հանձնարարությունը. գնահատել բլրի բարձրությունն ու որոշել դրա հեռավորությունն իրենցից:

Նրանք, ովքեր մտապահել էին կարևոր գաղտնիք, բլուրն ավելի բարձր ու հեռու էին գնահատել, քան մյուսները:

Դրանից ելնելով գիտնականները հետևություն են արել. որքան կարևոր է գաղտնիքը, այնքան դժվար է մարդու կյանքը,- գրում է The Daily Mail-ը:

mamul.am