Գարունը եկել է, ամառը սարերի հետեւում չէ, դրա հետ մեկտեղ՝ նաեւ արձակուրդը: Շատ շուտով լողափային հանգստի սիրահար միլիոնավոր զբոսաշրջիկներ կուղեւորվեն դեպի հանգստյան գոտիներ՝ արձակուրդը վայելելու եւ, իհարկե, արեւահարվելու: Թվում է՝ ի՞նչը կարող է լինել ավելի դյուրին, քան լողափին պառկած մաշկի շոկոլադե երանգ ստանալը: Սակայն արեւի տակ երկար մնալն ուղեկցվում է իր խնդիրներով. մաշկի չորություն, հաճախ նաեւ՝ արեւայրուք: NEWS.am STYLE-ն առաջարկում է գեղեցիկ, հավասար, եւ, ամենակարեւորը, արագ արեւահարման մի քանի միջոց:

Ստեպղինի հյութ

Ձեզ անհրաժեշտ է ստեպղինի թարմ քամած, բնական հյութ: Հարկավոր է այն խմել արեւի տակ դուրս գալուց 20 րոպե առաջ: Չմոռանաք այն խմել նաեւ լողափին:

Լոլիկ

Լոլիկի օգտագործումը նույնպես նպաստում է արագ եւ հավասար արեւահարությանը: Սակայն անհրաժեշտ է այն ուտել թարմ վիճակում, առանց համեմունքների:

Ջուր

Շատերին է հայտնի, որ արեւի ճառագայթներն ավելի լավ ազդում են թաց մարմնի վրա: Այդ պատճառով մի մոռացեք ժամանակ առ ժամանակ մարմինը ցողել ջրով կամ արեւային լոգանքը համատեղեք լողալու հետ:

Զեյթունի ձեթ

Լողափ դուրս գալուց առաջ մարմնի բաց մասերին զեյթունի ձեթ քսեք: Դա արեւահարության շատ ուժեղ միջոց է: Զգույշ եղեք, եւ եթե մարմնի վրա շատ տաքություն կամ ծակոցներ զգաք, անմիջապես թաքնվեք ստվերում:

NEWS.am STYLE