Թերևս ոչինչ այնքան չի գեղեցկացնում կնոջը, որքան ժպիտը: Իսկ գեղեցիկ ժպիտ ունենալու համար սպիտակ ու փայլուն ատամնաշարը ոչ միայն չէր խանգարի, այլև բոլորիս համար խիստ ցանկալի է:

Մի՛ տխրեք, եթե չեք կարող պարծենալ հոլիվուդյան ժպիտով, մենք կփորձենք օգնել ձեզ մեր խորհուրդներով:

Սպիտակաթույր ատամներ 

Գովազդային հոլովակների գեղեցկուհիների նման շատ սպիտակ ատամներ ունենալու ձգտումը հաճախ դառնամ է սեևռուն միտք՝ հատկապես դեռահաս ժամանակ: Շտապենք հանգստացնել այդ պատճառով անհանգստացող աղջիկներին:
Առողջ են համարվում փղոսկրի գույն ունեցող ատամները: Այդ երանգն ունեցող էմալն ավելի ամուր է և ավելի լավ է պաշտպանում ատամները: Իսկ ինչ վերա բերում է ճերմակատամ դերասաներին ու մոդելներին, ապա, որպես կանոն, նրանք ցուցադրում են ոչ թե իրենց բնական ատամները, այլ դրանց վրա հագցրած շապիկները, որոնք, ինչպես հասկանում եք, կարող են լինել ցանկացած գույնի:

Եվ, այնուամենայնիվ, ինչպե՞ս սպիտակեց նել ատամները: Այս նպատակով գոյություն ունեն կամ գերօքսիդ, կամ այսպես կոչված հղկանյութեր պարունակող միջոցներ, որոնք բաղկացած են մեխանիկական մաքրման համար նախատեսված ամուր մասնիկներից: 

Հղկանյութերը, որոնք պարունակվում են ատամի մածուկների մեծ մասի մեջ, միևնույնն է՝ մնում են հղկանյութեր, որոնք աստիճանաբար քայքայում են ատամի էմալը: Այսպիսի մածուկներից կարելի է օգտվել հատուկ դեպքերում (օրինակ՝ եթե դուք ծխող եք), սակայն չարժե չարաշահել այս միջոցը: Բացի այդ, սպիտակեցումը ժամանակավոր է. որոշ ժամանակ անց ատամների գույնը կրկին կդառնա այնպիսին, ինչպիսին նախկինում էր:

Աղբյուրը` doctors.am