 Ֆրանսիական գիտնականների վերջին ուսումնասիրությունների համաձայն, կանայք, ովքեր կրծկալ չեն հագնում, ավելի պիրկ կրծքեր ունեն: Rosbalt-ի փոխանցմամբ, գիտնականները ենթադրում են, որ կրծկալի դերը խիստ չափազանցված է, եւ որ այն առողջությանը ոչ մի օգուտ չի տալիս: Մի քանի տարվա ընթացքում անցկացված ուսումնասիրություններին մասնակցել է 18-35 տարեկան 130 կին: Նրանց մեծ մասը հայտարարել է, որ առանց կրծկալի իրենց ավելի վստահ են զգացել եւ կարողացել են ազատ շնչել: Նրանք նաեւ ավելի քիչ են մեջքի ցավեր զգացել: Ուսումնասիրության արդյունքում մասնագետները հերքել են կարծիքը, թե մեծ կուրծք ունեցողներին կրծկալն օգնում է նվազեցնել մեջքի ծանրաբեռնվածությունը: NEWS.am STYLE
|
