Գիտնականները որոշել ու դասակարգել են երեխայի լացի պատճառները: Վալենսիայի համալսարանի գիտնականներն իրենց եզրակացություններն արել են` հիմնվելով 3-ից 18 ամսական 20 երեխաների շրջանում հետազոտության վրա:

Հետազոտողների կարծիքով, եթե ծնողները նայեն երեխայի աչքերի մեջ, նրանք անպայման կհասկանան, թե ինչու է երեխան լալիս: Եթե երեխան զայրացած է կամ վախեցած, նա աչքերը բաց է պահում, իսկ եթե նրա ինչ որ տեղը ցավում է, աչքերը փակում է: Զայրացած երեխայի լացը ժամանակի ընթացքում ավելի քիչ ինտենսիվ է դառնում: Սակայն եթե երեխայի ինչ-որ տեղը ցավում է, կամ նա ինչ-որ բանից վախենում է, լացը գնալով ինտենսիվ է դառնում: