Գույնի երկարատևություն

Մազերը հաճախակի ներկելը վնաս է հասցնում ոչ միայն քո դրամապանակին, այլև մազերին: Որպեսզի մազերիդ գույնը համեմատաբար ավելի երկար պահպանվի, գնիր հատուկ քսուք, որը կամրացնի երանգը` միաժամանակ խնամելով ու սնուցելով մազերդ:

Օնլայն հաճույք

Գրաֆիկդ այնպիսին է, որ տուն ես վերադառնում միայն ուշ երեկոյան, ու այդ ժամի միակ զբաղմունքը դառնում է որևէ ֆիլմ դիտելը: Ի՞նչ իմաստ ունի տանը հարյուրից ավելի կաբելային հեռուստաալիք ունենալն ու դրա դիմաց գումար վճարելը, եթե, միևնույն է, ժամանակ չունես նույնիսկ հեռակառավարման վահանակը ձեռքդ վերցնելու: Իսկ ֆիլմեր կարող ես դիտել ինտերնետով:

Կախարդական լաք

Զարդատուփդ լցված է տարատեսակ զարդերով, որոնք կրել ես մի քանի անգամ, սակայն դրանք արդեն հասցրել են կորցնել նախկին տեսքը: Հաշվիր ու տես, թե որքան գումար ես ծախսել այդ մեկանգամյա օգտագործման զարդերի վրա: Որպեսզի քո մյուս ապարանջաններն ու վզնոցներն էլ նույն ճակատագրին չարժանանան, անպայման գնիր մետաղի համար նախատեսված պաշտպանիչ անգույն լաք ու դրանով պատիր զարդը: Կտեսնես, թե որքան երկար այն կծառայի քեզ:

Իրական փաստ

Օրվա ընթացքում անտեղի կարճ հաղորդագրություններ գրելու սովորությանը վերջ տալով (1 տարվա ընթացքում մոտավորապես 36 000 ՀՀ դրամ)՝ կարող ես ինքդ քեզ «հյուրասիրել» 36 բաժակ մրգային ֆրեշ:

cosmo.am