Որպեսզի խուսափի արդարադատությունից կոլումբիացի Ջիովաննի Ռեբոլեդոն որպես թաքնվելու հուսալի միջոց ընտրել էր սեռը փոխելը: Չնայած այն բանին, որ փոխել էր սեռը եւ կերպարանափոխվել էր, ոստիկաններին հաջողվել էր նրան բռնել: Նրան սպառնում է 60 տարվա ազատազրկում` առեւանգման, կողոպուտի եւ շորթումների համար, հայտնում էgalatv.am-ը:

Հանցագործը «Ռոզալինա» անվան տակ ամիսներ շարունակ մարմնավաճառուհի էր աշխատում այն բանից հետո, երբ 11 հզր 500 ֆունտ ստերլինգ ծախսեց կրծքի իմպլանտների, կոնքերի, քթի եւ այլ անհրաժեշտ կոսմետիկ վիրահատությունների վրա:

Բայց մի քանի ամիս անց ոստիկանությանը հաջողվեց նույնականացնել այդ շրջազգեստով մարմնավաճառին եւ ձերբակալել: «Երբ նրան բռնեցին, նա չկարողացավ զսպել իր արցունքները: Մյուս մարմնավաճառուհիները, ովքեր աշխատում էին նրա հետ, չէին հավատում, որ նա տղամարդ է»-ասում է ականատեսներից մեկը:

Ջիովաննին հանդիսանում էր «Los Topos» հանցագործ խմբի անդամ եւ թաքնվելու նպատակով փախել էր Կոլումբիայի մայրաքաղաք Բոգոտա: