«Հայաստանում անպտղության աճի պատճառ են 90-ականների մեր ազգաբնակչությանը ապրելակերպը՝ սթրեսները, թերսնուցումը, պատվաստումների թերացումը, ինչը անդրադարձավ այդ շրջանում հասունացման տարիքում գտնող պատանիների առողջության վրա»,- ասաց նա: 

Բերելով համաշխարհային ցուցանիշներ՝ բժիշկը նշեց, որ ամբողջ աշխարհում անպտղության հետ կապված խնդիրներ ունեն տղամարդկանց 7%-ը կամ 30-40 մլն տղամարդ: Այնուհետև նա ավելացրեց, որ սա առավել բարձր ցուցանիշ է, քան շաքարային դիաբետի տարածվածությունը:

Սևադա Հակոբյանը նշեց, որ թեև Հայաստանում մեծամասշտաբ հետազոտություններ արված չեն, սակայն ցուցանիշները այդքան էլ չեն տարբերվում համաշխարհայինից:

«Անպտղության խնդիրը գլոբալ նշանակություն ունի ու համաշխարհային մակարդակով աճման տենդենց կա: Ամբողջ աշխարհում տարեկան շուրջ 2 միլիոն նոր ամուսնական զույգ է գրանցվում, որոնք դիմում են անպտղության հարցով»,– ասաց նա՝ տեղեկացնելով, որ ընդունված է անպտուղ համարել այն զույգին, որը մեկ տարի շարունակ առանց հակաբեղմնավորիչների սեռական կյանքով է ապրում: 

Ամբողջ աշխարհում անպտղության աճող ցուցանիշների պատճառները տարբեր են։ Սևադա Հակոբյանը դրանցից առանձնացրեց հատկապես էկոլոգիական փոփոխությունները՝ ծանր մետաղների գերակշռություն էկոհամակարգում, գենետիկորեն փոփոխված սնունդ, ինչպես նաև մանկական վիրուսային հիվանդություններ և սեռավարակներ:

Ավելի առողջ լինելու համար բժիշկը հիշեցրեց, որ անհրաժեշտ է ֆիզիկապես ակտիվ կյանք վարել և ճիշտ սնվել:

www.tert.am