Հայաստանը 17 երկրների թվում մայիսի 16-ին կմասնակցի «Եվրատեսիլ 2013» մրցույթի երկրորդ կիսաեզրափակիչում։ Մրցույթի պաշտոնական կայքում հաղորդվում է, որ վիճակահանության արդյունքում Հայաստանը ելույթ կունենա Ռումինիայի, Վրաստանի, Հունաստանի, Իսրայելի, Ալբանիայի, Նորվեգիայի, Շվեյցարիայի, Հունգարիայի, Լատվիայի, Մալթայի, Իսլանդիայի, Սան-Մարինոյի, Մակեդոնիայի, Ֆինլանդիայի, Բուլղարիայի ու Ադրբեջանի ներկայացուցիչների հետ։

Առաջին կիսաեզրափակիչում, որը տեղի կունենա մայիսի 14-ին, կմրցեն Խորվաթիան, Դանիան, Ուկրաինան, Ավստրիան, Սլովենիան, Նիդերլանդները, Էստոնիան, Լիտվան, Սերբիան, Ռուսաստանը, Իռլանդիան, Բելառուսը, Բելգիան, Մոլդովան, Կիպրոն ու Չերնոգորիան։