Չգիտի ինչու բարկացավ եւ գնաց այդ քայլին, գայթակղվեց թե… 23 տարեկանից Անաստասիա Դավթյանը անազատության մեջ է: Չի կարող պատկերացնել, թե 7 տարի հետո "Աբովյան” քրեակատարողական հիմնարկից ազատվելուց հետո ինչպես նրան կընդունի արդեն 12-ամյա որդին` Գուրգենը: Նա կալանավայրում է ծնվել …

Ըստ դատավճռի, Անաստասիան չնայած ամուսնալուծված էր, բայց փաստացի կապի մեջ էր գտնվում ամուսնու` Գարեգին Սարգսյանի հետ: Հանցավոր համաձայնության գալով` ամուսիները որոշում են թալանել Անաստասիայի սիրեկան, գործարար Հրաչ Վարդանյանին: Պայմանավորվում են, եւ կինը մտնելով սիրեկանի տուն, դուռը չի փակում: Թալանելով տունը, կապում են Հրաչ Վարդանյանին, ծեծում, իսկ հետքերը թաքցնելու համար հրկիզում բնակարանը:

Ամուսնուն դատապարտում են ցմահ ազատարզրկման, Անաստասիան դատապարտվում է 11 տարի 8 ամիս եւ 4 օր ազատազրկման:

Ամուսնու հետ կապ չունի, երեխային էլ չի տեսել: Շնորհակալ է ծնողներից, մորից, որ տղային պահում են: "Էստեղ է ծնվել, մինչեւ երեք տարեկանը մոտս է եղել”,-պատմում է Անաստասիան` հավելելով, թե 5-ամյա Գուրգենը գիտի, թե մայրը նկարչական դպրոցում է սովորում:

Մանկուց սիրել է նկարել, մնալով փակված, զրկվելով տեսակցություններից, հեռախոսազանգերի իրավունքից, հոգում կուտակվածը թղթին է հանձնել: Կալանավայրի պատերն է ձեւավորում, փորձում է այդտեղի ընկերուհիներին հաղորդակից դարձնել իր հոգու դեգերումներին: Անգլերեն էլ է պարապում նրանց:

Մորից է ներողություն խնդրել, Աստծուց եւ իր պատճաոռվ տուժածին: "Նրա ծննդյան եւ մահվանօրերին մոմ եմ վառում, ներողություն խնդրում, գիտեմ 12 տարի ես անազատության մեջ եմ լինելու,բայց դա չէ պատիժը, կա մարդկային ավելի խիստ պատիժ, երբ դա քո մեջ ես կրում”,-ասում էԱնաստաիան:

Դատապարտյալ կնոջ հետ զրույցի այլ մանրամասները` տեսանյութում:

http://henaran.am/news_view.php?post_id=21493